د ترکیې د بهرنیو او دفاع وزیرانو اوکراین ته سفر کړی

 د ترکیې د بهرنیو چارو وزیر مولود چاوش اوغلو او د دفاع وزیر خلوصي اکار د رسمي سفر په ترڅ کې د اوکراین نه لیدنه وکړه.

دواړو وزیرانو اوکراین ته د خپل سفر په چوکاټ کې د دوه جمع دوه په غونډه کې ګډون وکړ. همداشان ددې غونډې ترڅنګ يي د کریمیا د تاتار ترکانو د استازو سره هم لیدنه وکړه.

د بهرنیو او دفاع وزیرانو په اوکراین کې د تاتار ترکانو د مشر او اوکراین د پارلمان وکیل مصطفی عبدالجمیل کریم اوغلو، د اوکراین د پارلمان وکیل او ترکیې او اوکراین د پارلمانونو د دوستۍ د ډلې رئیس رستم عمروف او د اوکراین د پارلمان وکیل اختم چي ګوز سره لیدنه وکړه.

د ترکیې د بهرنیو او دفاع وزیرانو پدې لیدنه کې ددې خبرې په ټینګار ویلي دي چې ترکیه د کریمیا غیرې قانوني الحاق په رسمیت نه پیژني او  د کریمیا د تاتار ترک ورورنو نه د تل په څیر قوي ملاتړ کوي. ترکیه تل د خپلو دې ورورنو ترڅنګ ولاړ ده .