د ترکیې او سعودي عربستان مشرانو د ټيلیفون په کرښه خبرې وکړې

د ترکیې ولسمشر رجب طیب اردوغان  د سعودي عربستان د پاچا ملک سلمان بن عبدالعزیز سره د ټیلیفون په کرښه خبرې وکړې.

د ترکیې او سعودي عربستان مشرانو د ټيلیفون په کرښه خبرې وکړې

 

د ولسمشرۍ ماڼۍ د معلوماتو له مخې  د سعودي عربستان پاچا ملک سلمان بن عبدالعزیز ولسمشر اردوغان سره  د ټيلیفون په کرښه خبرې وکړې.

دواړو مشرانو   د تري تم شوي  سعودي ژورنالست جمال قاشقچي د پیښې په اړه خبرې وکړې.

پدې ټیلیفوني خبرو کې  د ترکیې ولسمشر رجب طیب اردوغان او د سعودي عربستان پاچا ملک سلمان  د قاشقچي د پيښې د څیړولو په خاطر  د ترکیې او سعودي عربستان د ګډې کاري ډلې  د جوړولو پر اهمیت  ټینګار وکړ.

د یادولو وړ ده چې  په سعودي عربستان کې  د اصلاح غوښتونکو د پلاټ فورم  او د الوطن  ورځپاڼې قوي ملاتړی  او په لویدیځ کې  د منځني ختیځ په اړه د خبرونو سره  مشهور  جمال قاشقچي  د اکتوبر په دویمه نیټه  د رسمي چارو په خاطر په استانبول کې د سعودي عربستان قونسلګرۍ ته د ننوتو نه وروسته  تري تم شو.

سعودي عربستان  په قونسلګرۍ کې د قاشقچي  د وژل کیدو په اړه ادعاګانې  په کلکه توګه ردوي  او وايي چې  هغه  د رسمي چارو د خلاصولو نه وروسته  د قونسلګرۍ نه ووت  چې وروسته تري تم شو.

د سعودي عربستان چارواکي وايي چې  د قاشقچي د برخلیک په اړه هیڅډول  معلومات نلري.

همداشان  د سعودي پاچا د ولسمشر اردوغان نه  د جمال قاشقچي د عاقبت د معلومولو په خاطر د سعودي عربستان او ترکیې لخوا د ګډې  کاري ډلې د ټاکل کیدو له امله  مننه وکړه.



اړوند خبرونه