ولسمشر اردوغان ایران ته سفر وکړ

د ترکیې ولسمشر  رجب طیب اردوغان  د سوریې اړوند په مهمه  درې اړخیزه سرمشریزه کې د ګډون په خاطر  د ایران پلازمینې تهران ته سفر وکړ.

ولسمشر اردوغان  ایران ته سفر وکړ

 

ولسمشر اردوغان نن  د سهار  په نهو بجو  او لسو  دقیقو  په خپله ځانګړې الوتکه کې  د تهران پر لورې حرکت وکړ.

د ولسمشر اردوغان سره  پدې سفر کې  د ملي دفاع وزیر خلوصي اکار، د خزانې او مالیې وزیر برات البیرق  او د ولسمشرۍ ماڼۍ د مطبوعاتو د رئیس  فخرالدین التون ملګرتیا کوي.

د ویلو ده چې ولسمشر اردوغان به  په تهران کې  د سوریې په اړه په جوړیدونکي  درې اړخیزه  سرمشریزه کې ګډون وکړي.

همداشان  ولسمشر اردوغان به د روسیې او ایران د ولسمشرانو سره  جلا جلا هم  لیدنې وکړي.

ولسمشر اردوغان به پدې سرمشریزه کې  د سوریې د ادلیب په ښار کې  د اسد رژیم  او روسیې  د احتمالي  بریدونو د مخنیوي په خاطر  د روسیې د ولسمشر سره  خبرې وکړي.



اړوند خبرونه