د ترکیې ولسمشر رجب طیب اردوغان د لوړې په کولو سره خپل دنده رسمآ پیل کړه

د ترکیې  ولسمشر رجب طیب  اردوغان  د لوړې  په کولو سره  په ترکیه کې د نوي حکومتي  سیستم  د لومړني  ولسمشر په توګه  خپله دنده  رسمآ پیل کړه.

د ترکیې  ولسمشر رجب طیب اردوغان  د لوړې  په کولو سره خپل دنده رسمآ پیل کړه

د ترکیې  ولسمشر رجب طیب  اردوغان  د لوړې  په کولو سره  په ترکیه کې د نوي حکومتي  سیستم  د لومړني  ولسمشر په توګه  خپله دنده  رسمآ پیل کړه.

ولسمشر رجب طیب  اردوغان  لومړی  د ټولټاکنو د خپلواک کمیسیون نه  بری لیک ترلاسه کړ. وروسته يي په ملي  شورا کې  لوړه وکړه.

ولسمشر  اردوغان  د لوړې  په کولو سره په ترکیه کې  نوی حکومتي  سیستم  یا د ولسمشرۍ حکومتي  سیستم  رسمآ پیل کړ.

پدې ډول په ترکیه کې  پارلماني حکومتي  سیستم  پایته ورسید  او پر ځای د ولسمشرۍ حکومتي  سیستم  پيل شو.

ولسمشر  اردوغان  د لوړې  د کولو نه مخکې  لومړی  د اتاترک د مزار زیارت وکړ.

هغه د اتاترک په مزار د ګلانو د ګیډۍ د ایښودو نه وروسته  د مزار په ځانګړي  کتاب کې داسې ولیکل! ( ترکیې  دوه  مهمې ټاکنې په ډیر بریالیتوب سره  ترسره کړې.د ترکیې جمهوریت او ډیموکراسۍ پدې  مهم  پړاو کې د ولسمشرۍ د حکومتي  سیستم د لومړني  ولسمشر په توګه  د ملت د یووالي، ورورولۍ د قوي  کولو، د هیواد د پراختیا او پرمختګ، لوړې  مرتبې ته د  دولت د رسولو  ژمنه کوم. انشاالله چې  هیواد به د جمهوریت د سلمې کلیزې  د ورځې پورې  ټاکلو اهدافو ته  ورسو. )

ولسمشر اردوغان د لوړې  په خاطر ملي  شورا ته د راتګ  پر مهال د هیوادوالو لخوا د ګلانو د ګیډو  سره  او په موټر يي ورته د ګلانو په شیندولو سره  بدرقه کړ.

د ولسمشر اردوغان  د لوړې  په مراسمو کې  د نړۍ  د یو زیات شمیر هیوادونو ولسمشرانو، د ولسمشر مرستیالانو، لومړي وزیرانو او د بهرنیو چارو وزیران ګډون کړی وو.

د ویلو ده چې  ولسمشر اردوغان  د ولسمشرۍ  د دندې د پیلولو په خاطر  د ولسمشرۍ په ماڼۍ کې  د لسګونو هیوادونو د مشرانو په ګډون ځانګړي  مراسم جوړ شوي وو.

د ولسمشر اردوغان د ولسمشرۍ  دندې  د پيلولو په خاطر په جوړو شوو مراسمو کې د ۲۲ هیوادونو  ولسمشرانو، د ۲۸ هیوادونو لومړي وزیرانو ، د پارلمانونو مشرانو  او د ۶ نړۍوالو سازمانونو  عمومي  سکرترانو  ګډون کړی وو.

ولسمشر اردوغان په مراسمو کې د ګډون کوونکو هیوادونو د مشرانو په ویاړ د ماښام میلمستیا هم  جوړه کړې وه.



اړوند خبرونه