اردوغان امریکا ته سفر وکړ

د ترکیې ولسمشر د چین نه د امریکا پر لورې روان شو

اردوغان امریکا ته سفر وکړ

د ترکیې ولسمشر رجب طیب اردوغان  چې  د چین په پلازمینه  بیجینګ کې  د نړۍوالې همکارۍ په خاطر  د وریښمو لارې او کمربند په نړۍواله غونډه کې د ګډون په خاطر  نوموړي هیواد ته سفر کړی وو نن  واشنګټن ته  سفر وکړ.

ولسمشر اردوغان  د مې په ۱۶ او ۱۷مو نیټو  د امریکا  د ولسمشر دونالد ټرامپ سره  د لیدنې په موخه واشنګټن ته لاړ.

ولسمشر اردوغان  نن  لومړی  د چین د ولسمشر لخوا په جوړه شوې میلمستیا کې ګډون وکړ او وروسته بیا  په خپله ځانګړې الوتکه کې د امریکا  پر لورې روان شو.

د ویلو ده چې  ولسمشر اردوغان  د امریکا د نوي ولسمشر ټرامپ سره  د لومړي ځل لپاره  مخامخ لیدنه کوي. پدې لیدنه کې به د سیمه ییزو او نړۍوالو مسلې په اړه خبرې وشي.

د ولسمشرۍ ماڼۍ د معلوماتو له امریکا ته د ولسمشر اردوغان  ددې سفر په مهال به  د امریکايي چارواکیو سره په لیدونو کې  د دواړه اړخیزو اړیکو سربیره  ترکیې ته د فتح الله ګولن ترهګریز سازمان د مشر د اعاده کولو ، په سوریه او عراق کې په روانو پرمختګونو او ترهګرۍ پر خلاف په مبارزې کوي.

همداشان ولسمشر اردوغان به  د امریکا  د ولسمشر ټرامپ سره  په لیدنه کې د امریکا لخوا په سوریه کې د پې کاکا ترهګرې ډلې وای پي جي  سره  د وسلو د مرستې اړوند خپل غبرګون او اندیښنه  وښايي.

ولسمشر اردوغان سره پدې سفر کې  د عدلیې وزیر باقر بوداغ، د بهرنیو چارو وزیر مولود چوش اوغلو، د اقتصاد وزیر نهات زیبکچي، د انرژۍ او طبعي زیرمو وزیر برات البیرق او د ملي دفاع وزیر فکري اشق  ملګرتیا کوي.


پيوندونه: ټرامپ , امریکا , اردوغان

اړوند خبرونه