د ترکیې د ولسمشر رجب طیب اردوغان  د ژوند په اړه  فلم  جوړ شو.

د ولسمشر اردوغان د ژوند په اړه جوړ شوی فلم د مارچ په ۳ مه نیټه نندارې ته وړاندې کیږي.

د ترکیې د ولسمشر رجب طیب اردوغان  د ژوند په اړه  فلم  جوړ شو.

د ترکیې د ولسمشر رجب طیب اردوغان  د ژوند په اړه  فلم  جوړ شو.

د ولسمشر اردوغان د ژوند په اړه جوړ شوی  د ( ریس ) په نامه  فلم  تیره شپه د ځانګړو مراسمو په ترڅ کې  خبریالانو او میلمنو ته نندارې ته وړاندې شو.

د نوموړي  فلم  د معرفي  کولو په غونډه کې  د فلم جوړونکي  خداویردي یاوز، سناریست او لوبغاړو سربیره  ګڼ شمیر ملمنو او خبریالانو ګډون کړی وو.

د فلم  لوبغاړي چې د ولسمشر اردوغان په رول کې  کار کوي  ریحا بی اوغلو خبریالانو ته وویل « نن  شپه د دوو پلوو ځانګړې اهمیت لري. لومړی دا چې  د ولسمشر اردوغان د ژوند په اړه جوړ شوی  فلم  معرفي کوو  او بل  نن د ولسمشر اردوغان د زوکړې ۶۳مه کلیزه ده. مونږ  وغوښتل چې هغه ته د زوکړې کلیزه  ددې فلم  په وړاندې کولو سره  مبارکي ووایو. »

د ویلو ده چې  پدې فلم کې د ولسمشر اردوغان د ماشومتوب نه نیولې  تر ښاروالۍ  دندې  او زنداني کیدو پورې  مودې ته  ځای ورکړ شوی دی . په فلم کې په ځانګړې توګه د ملت سره  د ولسمشر اردوغان  اړیکو ته  پاملرنه شوې ده .

همداشان  پدې فلم کې د ولسمشر اردوغان د میرمنې په رول کې کارکوونکې  د هیواد د سینما نامتو هنرمندې  اوزلم بالجي  خبریالانو ته وویل «  د ډیر دقت او جدي  هلو ځلو نه وروسته مو  پدې فلم کې کار وکړ.

هغې وویل چې  پدې فلم کې  د میرمن آمنې اردوغان  په رول کې چې  د ژوند د هر ډول سختو او تنګو سره  يي په ډیره میړانه توګه مبارزه کړې، یوه ډیر قوي میرمن او ډیره  ښه  مور  دی  کار کړی دی .

نوموړی فلم  د ترکیې  استانبول، کرک قلعه او بورسا ولایتونو سربیره  په شمالي قبرس ترکي جمهوریت کې  ډک شوی دی.

دا  ۹۰ دقیقه يي  فلم  به  د مارچ په ۳ مه نیټه  په ترکیه او ټوله نړۍ کې نندارې ته وړاندې شي.



اړوند خبرونه