د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د ینې شفق ورځپاڼه « د ترکیې د بهرنیو چارو وزیر یونان ته سخت خبرداری ورکړ » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو د یونان سره  په ختیځه  مدیترانه کې  د نفتو د پلټنون  په مسلې د موجودې  ستونزې په اړه وویل « د یونان  چارواکي  د خپل دفاع وزیر نه د نازولي  ماشوم  په توګه یادونه کوي، خو زه  په یوناني مقاماتو غږ کوم چې دا نازولی  ماشوم يی اداره کړۍ  ، داسې نه  چې زمونږ د امنیتي ځواکونو لخوا ورته کومه سزا ورنکړل شي. »

د صباح ورځپاڼې  « د ددې هیواد په زرګونو تنه  د ترکیې د تابعیت غوښتنه کوي » د سرلیک لاندې لیکلي دي، ترکیې  د تابعیت په قانون کې  د اصلاحاتو په راستو سره  په ځانګړې توګه په زرګونو تنو  د انګلستان وګړو د ترکیې د تابعیت د ترلاسه کولو غوښتنه کړې ده . د ویلو ده چې په ترکیه کې  د سرمایه ګذارۍ له لارې  د تابعیت د ترلاسه کولو په قانون  کې د اصلاحاتو د ترسره کیدو نه راپدیخوا  تر سلو میلیونو ډالرو بهرنۍ پانګه ترکیې ته راننوتې ده. همداشان پدې چوکاټ کې  ۲۵۰ تنو  د تابعیت په خاطر مراجعه کړې ده . ویل کیږي په زرګونو تنو  د انګلستان وګړو  بیا  د سرمایه ګذارۍ سره  د تابعیت د ترلاسه کولو غوښتنه کړې ده .

د خبرترک ورځپاڼې « د ترکیې د هوايي کرښو شرکت  په دوو ورځو کې ۳۰۰ زره تنه مساپر ترکیې ته راانتقال کړي دي »  د سرلیک لاندې لیکلي دي، د ترکیې هوايي شرکت  ترکش ایرلاین د نوي کال په لومړنیو دوو  ورځو کې  د نړۍ  په ګوټ ګوټ کې  په سلګونو زرو تنو چې غوښتل  د نوي میلادي کال نه په ترکیه کې هر کلی وکړي ترکیې ته راانتقال کړي دي. د  ترکش ایرلاین د معلوماتو له مخې دوې  په دوو ورځو کې تر ۳۰۰ زرو تنو ډیر کډوال ترکېې ته راانتقال کړي دي.

د وطن ورځپاڼې « په ترکیه کې د شنو سواحلو شمیره  د پام وړ لوړه شوې ده »  د سرلیک لاندې لیکلي دي ، په ترکیه کې  د شین بیرغ لرونکو  سواحلو  شمیره  د هر کال په تیریدو سره  مخ په ډیریدو  ده. په ۲۰۱۸ کال کې دا رقم  ۴۵۹ ته  لوړ شوی دی. د ویلو ده چې  شین بیرغ  سواحلو ته  د پاکۍ  او نظافت  د ارزولو نه وروسته ورکول کیږي.

د سټار ورځپاڼې  « ترکي متشبصینو  او ناسا ترمنځه  تفاهم  لیک  »  د سرلیک لاندې لیکلي دي، د فضايي چارو نړۍوال سازمان ناسا  فضا ته د کارګو د استولو په خاطر  د دوو ترکي شرکتونو سره  تفاهم وکړ. ددې لپاره دوه سفینې  جوړې شوي  او امتحاني  چارې هم  پیل شوي دي. تمه کیږي چې  د اکتوبر تر میاشته  د نوموړو سفینو  ټولې چارې پایته ورسیږي.



اړوند خبرونه