په بهرنیو رسنیو کې د ترکیې انعکاس

په بهرنیو رسنیو کې د ترکیې انعکاس

په بهرنیو رسنیو کې د ترکیې انعکاس

 

د اسوشیتید پرس خبري اژانس : د ترکیې ولسمشر رجب طیب اردوغان  وویل چې  امریکا متحده ایالتونو د نړۍوالې ټولنې  په ازادې ارادې د سترګو پټولو سره  حق او عدالت ته  سپکاوی کړی دی.

د امریکا د ترکش امریکا ویبپاڼه  : د ترکیې ولسمشر رجب طیب اردوغان وویل چې  تاریخ او بشریت به د فلسطینیانو سره روانه  بې عدالتي او ناانصافي  هیڅکله هم  ونه بښي.

د امریکا د ترکش امریکا ویبپاڼه  : ترکیې  تیره اوونۍ  د فرانسې په پلازمینه  پاریس کې  ترسره شوی  ترهګریز برید په کلکو ټکو وغنده.

د روسیې د اسپوتنیک ویبپاڼه : د ترکیې د کولتور او ګرځندوی وزیر نعمان کولتورموش وویل چې  ترکیې  د روان میلادي کال په لومړنۍ  ربع کې  د ګرځندویانو  او د ګرځندوی سکتور د عوایدو له پلوه  ریکاټ  ټینګ کړ. هغه  وویل  آټکل شوی دی چې  ترکیه  سږ کال د ۴۰ میلیونو تنو ګرځندویانو کوربه توب وکړي  او ګرځندوی د سکتور نه  ۳۲ میلیارده ډالره  عواید ترلاسه کړي.

د ایران د فارس خبري اژانس : د ترکیې ولسمشر رجب طیب اردوغان انګلستان ته د سفر پر مهال د نوموړي هیواد د لومړۍ وزیرې تریزا مې  سره د لیدنې نه وروسته په ګډه خبري غونډه کې وویل « اسراییل یرغلګر  او ترهګر  دولت دی .»

د ایرونیوز تلویزیون : د ترکیې ولسمشر رجب طیب اردوغان  د انګلستان نه د لیدنې پر مهال ددې هیواد د فوټبال په لوبډلو کې  لوبه کوونکو  ترکي لوبغاړو جینک توسون، مسعود اوزیل او ایلکای ګون دوغان سره  لیدنه وکړه.

د رویټرز خبري اژانس : د ترکیې د ولسمشر رجب طیب اردوغان او میرمن يي آمنې اردوغان انګلستان ته د سفر پر مهال  په پلازمینه لندن کې  د بوکینګ هام په ماڼۍ کې د ملکې علیزابط  سره  لیدنه وکړه. ملکې پخپله د هغوې نه هر کلی وکړ.

د جرمني د دویچه ویلې  خبري اژانس : د ترکیې ولسمشر رجب طیب اردوغان په غزه کې د اسراییلو لخوا د لسګونو تنو فلسطینیانو د شهیدولو له امله  ډیر سخت غبرګون وښود. ولسمشر اردوغان  د اسراییلو ددې چلند نه  د ښکاره عام وژنې په توګه  یادونه وکړه.

د ایران د پارس توډې راډیو او انټرنټ پاڼه : ترکیې  په غزه کې د اسراییلو لخوا د قتل عام  نه وروسته  په انقره کې د اسراییلو سفیر نه د ترکیې نه د وتو غوښتنه وکړه. د اسراییلو سفیر  د ترکیې نه جلا او خپل هیواد ته ستون شو.

د امریکا د ترکش امریکا ویبپاڼه  : د ترکیې د بهرنیو چارو وزیر مولود چاوش اوغلو وویل چې  د جون په ۴ مه نیټه به  په واشنګټن کې د  امریکا  د نوي بهرنیو چارو وزیر مایک پومپیو سره  لیدنه وکړي.

د ایران د ایرنا خبري اژانس : د ترکیې د بهرنیو چارو وزیر مولود چاوش اوغلو وویل چې  د اسراییلو لخوا  د اشغال  لاندې په سیمو کې  او په ځانګړې توګه په غزه کې  ترسره شوي جنایتونه به  بې ځوابه پاتې نشي. خامخا  به يي  ځواب ورکړ شي.



اړوند خبرونه