په بهرنیو رسنیو کې د ترکیې انعکاس

په بهرنیو رسنیو کې د ترکیې انعکاس

په بهرنیو رسنیو کې د ترکیې انعکاس

 

د جرمني  د دویچه ویلې انترنټ پاڼه : د ترکیې د بهرنیو چارو وزیر مولود چاوش اوغلو  د جرمني  د بهرنیو چارو وزیر سره  لیدنه وکړه. د لیدنې اصلي مسله  په ترکیه کې د وخت نه وړاندې  د ټولټاکنو په خاطر  د ترکي سیاستوالو لخوا په جرمني کې میشتو ترکانو ته  د تبلیغاتي  کمپاینونو د ترسره کولو  مسله وه.

د انګلستان د بي بي سي ترکي څانګه : د انګلستان  تر ټولو لوی  سیاحتي  شرکت  توماس کوک  ویلي دي چې  سږ کال  د انګلستان  ډیری  ګرځندویانو  د رخصتیو په خاطر  ترکیې ته ترجیح ورکړې ده .

د کریمیا د کیو ایچ ای خبري اژانس : ترکیې د کتاب په لوستلو کې د اروپا مخکې شوه.

د روسیې د ریا نیویستي خبري اژانس : روسیې  د ترکیې لپاره  د اس ۴۰۰ دفاعي توغندي  په تولید پیل وکړ.

د ګرجستان د انټرپرس نیوز خبري اژانس : د ترکیې لومړي وزیر بنعلي ییلدرم  د اسپانیا  نه د لیدنې پر مهال  په ترکیه کې  د معین وخت نه مخکې د ټولټاکنو  د ترسره کولو د پریکړې په اړه  د اروپا شورا د پارلمانونو د مجمع  وروستیو څرګندونو  په اړه سخت غبرګون وښود. د اروپا شورا د پارلمانونو مجمع  د ترکیې نه  ټولټاکنې په خپل معین وخت د ترسره کولو غوښتنه کړې وه. لومړي وزیر ییلدرم ددوې په ځواب کې وویل چې  تاسې خپل کار کوۍ. ټولټاکنې ترکیه ترسره کوي تاسې نه. دا د ترکېې ټولټاکنې دې د اروپا د شورا ندي.

د کریمیا د کیو ایچ ای خبري اژانس : ترکیه ته  د اوکرایني  ګرځندویانو  په شمیره کې د پام وړ زیاتوالی راغلی او زیاتوالی  دوام لري.

د جرمني د دویچه ویلي انټرنټ پاڼه : ترکیې  د امریکا متحده ایالتونو د ولسمشر دونالد ټرمپ لخوا د ۱۹۱۵ کلونو د پیښو او ارامنه ادعا ګانو اړوند په خپور کړي بیان کې د نوموړو پیښو نه  د ستر فلاکت په توګه یادونه  وغندله. ترکیې د امریکا لخوا ناسم بیان  او د تاریخ تفسیر په کلکه توګه رد کړ.

د روسیې د ریا نویستي خبري اژانس : د ترکیې ، روسیې او ایران د بهرنیو چارو وزیران  د اپریل په ۲۸ مه نيټه  د سوریې په مسلې د خبرو کولو په خاطر  په مسکو کې غونډه کوي.

د اسپانیا د الموندا  ورځپاڼې : د ترکیې لومړي وزیر بنعلي ییلدرم ویلي دي چې د اروپا نه د دفاع او حفاظت په خاطر  ډیر ستر بدل  ورکوو.

د اذربایجان د اپا خبري اژانس : د ترکیې ولسمشر رجب طیب اردوغان وویل چې  د ارمنستان تر اشغال لاندې  د اذربایجان د قره باغ ستونزه باید  د نړۍوالو حقوقو په چوکاټ کې  حل کړی شي.

د امریکا  د ترکش امریکن  ویبپاڼه : د ترکیې لومړي وزیر بنعلي ییلدرم  ویلي دي چې د اروپا شورا د پارلمانونو د مجمع د تفتیش  د کمیسیون لخوا په ترکیه کې  د جون د ۲۴ مې د ټولټاکنو په اړه په ارزونو کې  د صفر په انداره  حقیقت ته ځای ندی ورکړ شوی.

د روسیې د اسپوتنیک انټرنټ پاڼه : ترکیې د ملي محاربوي  الوتکې د جوړولو په خاطر تړون لاسلیک کړ. د ترکیې ملي محاربوي  الوتکې به  په ۲۰۳۰ کال کې  د ترکیې د وسله والو ځواکونو په چوکاټ کې په دنده  پیل وکړي.

 



اړوند خبرونه