د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

 

د ایران د ارنا خبري اژانس : ترکیې  د افغانستان د حکومت لخوا  طالبانو ته د سولې د وړاندیز نه  ملاتړ  اعلان کړ .

د بي بي سي  ترکي څانګه : د ترکیې لومړي وزیر بنعلي ییلدرم  افغانستان ته د خپل سفر په ترڅ کې  ددې خبرې په ټینګار وویل « د قانوني لارو څخه  ترکیې راتلوونکي  افغانان  زمونږ  د سر تاج  دي ، خو  ناقانونه افغان کډوالو زمونږ  لپاره  ستر سرخوږی  جوړ کړی دی. »

د رویټرز خبري اژانس : ترکیې  د تیرې خالي په ورځ  د اسد د رژیم لخوا د دوما په سیمه کې ترسره شوی  د کیمیايي وسلې برید په کلکه توګه وغنده.

د جرمني د ډي پي ای خبري اژانس : د ترکیې ولسمشر رجب طیب اردوغان ددې خبرې په ټینګار وویل چې  د سوریې د ختیځې غوطه  د دوما په سیمه کې د کیمیايي وسلو د برید مسئولینو نه به خامخا  ددې قتل عام  پوښتنه وشي.

د عراق  د بعس نیوز ورځپاڼې  : د ترکیې ولسمشر رجب طیب اردوغان  د فرانسې  د حکومت لخوا د پ ک ک ترهګرې ډلې د څانګو پ وای ډي او وای پ جي نه ملاتړ  او د ولسمشرۍ په ماڼۍ کې ددې ترهګرو د استازو سره  د لیدونو کتنو په اړه  سخت  غبرګون وښود.

د امریکا د ترکش امریکن  ویبپاڼه :  د ترکیې لومړي وزیر بنعلي ییلدرم  ویلي دي « په کومه سیمه کې چې ترکي سرتیري شتون ولري هلته  خامخا  سوله او امنیت  وي.»

د انګلستان د رویټرز خبري اژانس : د ترکیې ولسمشر رجب طیب اردوغان د روسيې د ولسمشر ولادیمیر پوتین سره  د ټيلیفون په کرښه خبرې وکړې. ولسمشر اردوغان  خپل روسي سیال ته ددې خبرې په ټینګار ویلي  دي چې  د اسد رژیم باید  په ختیځې غوطه سیمه کې  عام وژنو ته د پای ټکی کیږدي.

د بي بي سي ترکي څانګه  : د ترکیې ولسمسر رجب طیب اردوغان وویل چې  د عفرین  د سیمې د سپارولو نیټه  د روسیې د بهرنیو چارو د وزیر سرګي لاوروف  نه بلکې  ترکیه  معلوموي. د ترکیې ولسمشر د عفرین په اړه د روسیې د بهرنیو چارو د وزیر وروستیو څرګندونو په اړه سخت غبرګون وښود.

د روسیې سپوتنیک  خبري اژانس : د ترکیې د بهرنیو چارو وزیر مولود چاوش اوغلو  ددې خبرې په ټینګار وویل چې د سوریې د عفرین سیمه به هیڅکله هم  د اسد رژیم ته  تسلیم نکړو.

د امریکا د ترکش امریکن ویبپاڼه : د ترکیې د لومړي وزیر مرستیال او د حکومت ویاند  بکر بوزداغ وویل  چې  سوریې په مسله کې باید هر سړی  د نړۍوالې ټولنې سره په ګډه  حرکت وکړي.

د جرمني د دویچه ویلي  انټرنټ پاڼه : د ترکیې ولسمشر رجب طیب اردوغان په اروپا کې په میشتو ترکانو غږ وکړ چې  په هر سیمو کې چې اوسیږۍ  هلته  سیاست ډګر ته ودانګۍ.

د امریکا د ترکش امریکن ویبپاڼه: د ترکیې لوی درستیز ستر جنرال خلوصي اکار  ویلي دی چې ترکیه به په ایژې سمندر او ختیځې مدیترانه کې  هیڅډول مغرضانه  فعالیتونو ته اجازه ورنکړي.



اړوند خبرونه