عربستان  د اروپايي ټولنې لخوا  ددې هیواد نوم په تور لست کې د شاملولو په اړه  ډیر سخت غبرګون وښود.

اروپا د سعودي عربستان نوم د په تور لست کې شامل کړ

عربستان  د اروپايي ټولنې لخوا  ددې هیواد نوم په تور لست کې د شاملولو په اړه  ډیر سخت غبرګون وښود.

سعودي عربستان  د اروپايي ټولنې لخوا  ددې هیواد نوم په تور لست کې د شاملولو په اړه  ډیر سخت غبرګون وښود.

اروپايي ټولنې  سعودي عربستان  د تورو پيسو  د سپینولو  او  د مالي پلوه د ترهګرو د تمویلونکو پر خلاف  د مبارزې  د ستندردونو نه پوره کولو له امله په تور لست کې شامل کړ.

د سعودي عربستان  حکومت  ویلي دي چې  د تورو پيسو  د سپینولو او د مالي پلوه د ترهګرو د تمویلوونکو پر خلاف د مبارزې په خاطر  یو زیات شمیر قوانین  تصویب کړي  . د دا ډول  جرایمو  د کچې  د راټیټولو په خاطر يي  ډیر مهم ګامونه اوچت کړي. خو  د اروپايي تولنې لخوا  پر سعودي عربستان  د تورو پیسو د سپینولو  او  د ترهګرو د مالي سرچینو پر وړاندې د مبارزې په برخه کې  د ناغیړۍ  په تور  په تور لست کې  شاملول  د خواشینۍ  ځای دی.

سعودي عربستان تل  د تورو پیسو د سپینولو  او د ترهګرۍ د مالي سرچینو پر وړاندې د نړۍوالې مبارزې نه  قوي ملاتړ کړی  او پدې برخه کې د خپلو نړۍوالو شریکانو او متحدینو سره  تل همکاري کړې ده .

په څرګندونو کې راغلي دي چې  سعودي عربستان د داعش ترهګرې ډلې پر خلاف په مبارزه کې د امریکا په مشرۍ د نړۍوال ائتلاف  مهم  شریک او د امریکا او ایټالیا سره په ګډه  د ترهګرو د مالي سرچینو پر خلاف د مبارزې د ډلې  مشري  کړې ده . سعودي عربستان  د تورو پیسو د سپینولو او ترهګرو د مالي سرچینو د وچولو  او پدې برخه کې د جرایمو د کچې د راټیټولو په خاطر  تیر کال  یو زیات شمیر قوانین  تصویب کړي دي.

سعودي عربستان  د اروپا د کمیسیون چارواکیو او د اروپا د پارلمان  غړیو ته  د سعودي عربستان لخوا د تورو پيسو د سپینولو او ترهګرو د مالي سرچینو پر خلاف د مبارزې په برخه کې د نړۍ او سیمې په کچه د ترسره کړو هلو ځلو نه  د مشاهدې په خاطر  هیواد ته بلنه ورکړې ده .

د یادولو وړ ده چې  اروپايي ټولنې کمیسیون  پرون  سعودي عربستان  د تورو پیسو د سپینولو او ترهګرۍ د مالي سرچینو پر خلاف د مبارزې د ستندردونو د نه پوره کولو  له امله  په تور لست کې شامل کړ.



اړوند خبرونه