مکسیکو زورورې زلزلې ولړزو
په مکسیکو کې زلزلې ستر فلاکت رامنځته کړ
په مکسیکو کې د ریشتر په کچه د ۷ عشاریه یو په لویوالي سره زلزلې ستر فلاکت رامنځته کړ.
په مکسیکو کې په ځایي وخت په ۱بجه او ۱۴ دقیقو زوروره زلزله رامنځته شوه. د لومړنیو معلوماتو له مخې د نوموړې زورورې زلزلې په پایله کې تر اوسه پورې ۲۴۹ تنو ژوند د لاسه ورکړی دی.
د امریکا د جیولوژیکو څیړنو مرکز ویلي دي چې د زلزلې اصلي مرکز د مکسیکو پیوبلا د ایالت د رابوسو ښار دی. زلزله د نوموړي ښار په شمال ختیځ کې ۵۱ کیلومتره د مځکې لاندې رامنځته شوې ده .
دا زلزله په پلازمینه مکسیکو کې هم په قوي توګه احساس شوې ده . د زلزلې له امله په پلازمینه مکسیکو کې هم یو زیات شمیر ودانۍ نړیدلي دي او په نړۍوال هوايي ډګر کې الوتنې درول شوي دي.
د پيابلا ایالت والي توني ګالي د ټویټر له لارې په کړو څرګندونو کې ویلي دي چې د رابوسو د ښار سربیره د چولولا په ښار کې هم یو زیات شمیر کلیسا ګانې او کورونه نړيدلي دي.
د لومړنیو معلوماتو له مخې پدې زلزله کې تر اوسه پورې د ۲۴۹ تنو د وژل کیدو نه خبر ورکړ شوی دی .
د ویلو ده چې پدې زلزله کې یواځې ۲۲ تنو ماشومانو په یو ښوونځي کې ژوند د لاسه ورکړی دی .
یو زیات شمیر کسان د نړيدولو کورونو د خاورو او ګټو لاندې بند پاتې دي.