د ټرامپ د دندې د ځنډولو په خاطر لومړنی رسمي وړاندیز وشو.

د امریکا د ولسي جرګې یو تن وکیل په رسمي توګه د ټرامپ د دندې د ځنډولو غوښتنه وکړه

د ټرامپ د دندې د ځنډولو په خاطر لومړنی رسمي وړاندیز وشو.

د امریکا  متحده ایالتونو په ولسي جرګه کې د کالیفورنیا  د ایالت  استازي  ډیموکراټ  براد شرمن ، ولسي جرګې نه   د امریکا  په تیرو ټاکنو کې  د روسیې د مداخلې په اړه د روانو څیړونو د سلامتیا  او د عدالت پر وړاندې د موجودو خنډونو د لرې کولو په خاطر ، د ولسمشر دونالد ټرامپ  د دندې  د ځنډولو  غوښتنه  کړه.

دا لومړی ځل دی  چې په امریکا کې د ټرامپ  د دندې د ځنډولو په خاطر  په رسمي توګه  وړاندیز کیږي.

هغه  په وړاندې کړې طرحه کې ددې خبرې په ټینګار ویلي دي چې  ولسمشر ټرامپ  د روسیې لخوا د امریکا په ټاکنو کې د مداخلې  د  مسلې د  پټولو  په خاطر،  د فدرالي څیړنیزې ادارې  یا «اف بي ای»  پخوانی  مشر  جیمز کومي  له دندې ګوښه کړ. هغه ویلي دي چې  د داسې  یوې لویې مسلې او ادعا  د څیړونو  مخنیوی  لوی جرم  دی.

امریکايي وکیل د اف بي ای د ادارې د پخواني مشر هغه څرګندونو ته په اشارې سره ویلي ډي چې ویلي وو «  ښاغلي ټرامپ  له مانه  د هغه د ملي امنیت د پخواني سلاکار مایکل فلین  د دوسیې او څیړونو د پایته رسولو  غوښتنه وکړه » هغه ویلي دي چې  ښاغلي ټرامپ  د ولسمشر په توګه د خپل مسئولیت پر خلاف  د اساسې قانون سره په ټکر کې  د عدالت مخه نیولې  او د امریکا خلک يي ډیر ناهیلي کړي دي. د همدې امله  دونالد ټرامپ  دنده باید وځنډول شي  او هغه  د کړو جرمونو له امله باید محاکمه شي.

سره ددې چې  د ډیموکراټ وکیل  دا غوښتنه  په ولسي جرګه کې منل کیدو  د حقیقت نه ډیره  لرې خبرده خو  دا  وړاندیز بیا  په ارشیف کې د ثبتیدو له امله  د ټرامپ پر خلاف پورته شوی  تر ټولو  قوي ګام  بلل کیږي.

سپینې ماڼۍ  بیا  د نوموړې  غوښتنې په اړه سخت غبرګنون وښود.

د سپنې ماڼۍ ویاندې سارا هوقابی ساندرز پدې اړه وویل «  دا غوښتنه  او وړاندې د ټولې معنا سره  خنداور او د سیاسي  لوبو  تر ټولو  پسته  لوبه ده »

د ویلو ده چې  پخپله د ډیمورکراټ ګوند  استازي هم  د ټرامپ د دندې د ځنډولو د وړاندې په اړه  د ډیر دقت نه کار اخلي. د کالیفورنیا  د استازي  ددې غوښتنې په ولسي جرګه کې یواځې  د تکاس استازي  ال ګرین  ملاتړ ښودلی دی .

په نوموړې غوښتنې تر اوسه پورې رای اچونه نده شوې خو د رای اچونې په صورت کې به  په ډیره اسانه توګه  رد شي.



اړوند خبرونه