سعودي عربستان او بحرین د ایران د سپاه پاسداران ځواکونه د ترهګرو په لست کې شامل کړل

د ایران د سپاه پاسداران قدس د ځواکونو قومندان او دوو نورو مشرانو نومونه د سعودي او بحرین د ترهګرو په لست کې شامل شول

سعودي عربستان او بحرین د ایران د سپاه پاسداران ځواکونه د ترهګرو په لست کې شامل کړل

امریکا او ۶ نورو هیوادونو د ۹ تنو نومونه  د طالبانو نه د ملاتړ او هغوې ته د مالي سرچینو د برابرولو له امله د ترهګرو په تور لست کې شمال کړل.

امریکا، سعودي عربستان، بحرین، قطر، متحده عربي اماراتو، کویټ او عمان  د ایران سپاه پاسداران  قدس   ځواکونو د ۳  مشرانو په ګډون  د ۹ تنو نومونه  د ترهګرو په تور لست کې شامل کړي دي. ویل کیږي پدې کسانو کې د طالبانو د خینو مهمو څیرو نومونه هم  شتون لري.

د سعودي عربستان  د رسمي خبري اژانس  د خبر له مخې امریکا، سعودي عربستان، قطر، بحرین، متحده عربي اماراتو، کویټ او عمان  په افغانستان کې د طالبانو  سره د مرستې او  هغوې ته  د وسلو او مالي سرچینو د برابرولو په تور  د ایران د سپاه پاسدارن قدس د ځواکونو د ۳ تنو مشرانو په ګډون  د ۹ تنو نومونه  د ترهګرو په تور لست کې شامل کړل.

د بله پلوه  سعودي عربستان او بحرین  بیا  د ایران د سپاه پاسداران ځواکونه  او د سپاه پاسداران قدس ځواکونو قومندان  قاسم سلیماني ، د هغه مرستیال  عبدالرضا شهلايي  او حمید عبدالله هي نومونه د ترهګرو په لست کې شامل کړی دی.

د ویلو ده چې امریکا  هم  د ایران د سپاه پاسداران ځواکونه او سپاه پاسداران قدس  مشر سلیماني ، د هغه مرستیال شهلايي او عبدالله هي نومونه د ترهګرو په لست کې شامل کړي دي.

ویل کیږي  ددې سره  په یادو شوو هیوادونو کې د ایران د سپاه پاسدارن  او   د قاسم سلیماني، عبدالرضا شهلايي او حمید عبدالله هی  ټول مال او داريي ګانې کنګلیږي  او ددوې سره  په تجاري او اقتصادي او نورمالو اړیکو  ټینګولو  بندیز لګول کیږي.



اړوند خبرونه