قطر د عدالت په نړۍواله محکمه کې د متحده عربي اماراتو پر خلاف اقامه د دعوا وکړه

 قطر د عدالت په نړۍواله محکمه کې  د متحده عربي اماراتو  پر خلاف  پدې هیواد کې  په ناحقه توګه د محاصرې د لګولو او غیرې قانوني چلند له امله اقامه د دعوا وکړه.

د قطر د بهرنیو چارو د وزارت ویاند  ویلي دي چې  متحده عربي اماراتو  په قطر د محاصرې لګولو ، غیرې قانوني چلند  او تیري  له امله  دوحې  د عدالت په نړۍواله محکمه کې  د اماراتو پر خلاف اقامه د دعوا وکړه.

هغه  د مسلې په اړه د لا زیاتو جزیاتو ورکولو نه ډډه وکړه.

متحده عربي اماراتو لا  د مسلې په اړه څه ندي ویلي.

د  ویلو ده چې  د سعودي عربستان په مشرۍ د خلیج  څلورو هیوادونو د تیر کال د جون د میاشتې په پنځمه نیټه  په قطر  د ایران سره د اړیکو درلودو، د نورو هیوادونو په کورنیو چارو کې د مداخلې  او اخوان المسلیمن نه د ملاتړ له امله  بندیزونه ولګول.

سعودي عربستان، متحده عربي اماراتو مصر او بحرین  د قطر سره خپلې ټولې ډیپلوماتیکي  ، اقتصادي او تجاري اړیکې وشلولې  او خپلې مځکنۍ، هوايي او سمندري لارې  ددې هیواد پر مخ وتړلې.