پر امريكا باندې د روسيې د جاسوسۍ تور

د روسيې د دفاع وزارت پر امريكايي چارواكو تور ولګولو چې په سوريه كې ترهګرو ته جاسوسي كوي.

پر امريكا باندې د روسيې د جاسوسۍ تور

 

 

ددې هېواد د دفاع د وزارت وياند ايګور كوناشينكوف نن په يوې خبري غونډه كې وويل چې د امريكا متحده ايالتونه په سوريه كې ترهګرو ته استخبارات وركوي.

د كوناشينكوف په وينا په سوريه كې د امريكا د متحدو ايالتونو تر كنترول لاندې سيمو نه د داعش ترهګرې ډلې د بشار اسد اړوند ځواكونو باندې بريدونه كوي چې ګمان كيږي پدې اړه استخبارات ورته امريكا وركوي.

نوموړى وايي چې ترهګر په سوريه كې د دولتي ځواكونو د هډو په اړه كره معلومات لري. ترهګر يواځې كولاى شي چې د هوايي استخباراتو له لارې دا ډول معلومات ترلاسه كړي. دا معلومات د بد نيت په موخه هغوى ته وركړل شوي دي.

دا بريدونه د سوريې – اردن پولې ته نږدې د التنف په سيمه كې ترسره شوي دي چې د امريكايانو تر كنترول لاندې ده.

د كوناشينكوف په وينا په سوريه كې د ترهګرو پر وړاندې د مبارزې په لار كې تر ټولو لوى خنډه د امريكا لخوا دوى ته د استخباراتي معلوماتو وركول دي.


پيوندونه: داعش , سوريه , امريكا , روسيه

اړوند خبرونه