د افغانستان د کرکټ د ۱۹ کلنو ملي لوبډلې یو بل تاریخي بری ترلاسه کړ
افغانستان نوي زیلاند ته ستره ماتې ورکړه
د افغانستان د کرکټ د ۱۹ کلونو د عمر نه د ښکته عمر لرونکو ملي لوبډلې د نړۍوال جام په سیالیو کې نوي زیلاند ته تاریخي ماتې په ورکولو سره نیمه پایلوبو ته لار وموندله.
د افغانستان لوبډلې د نوي زیلاند لوبډلې ته د ۲۰۲ منډو په توپیر سره ستره ماتې ورکړه.
د ویلو ده چې د افغانستان په تاریخ کې دا لومړی ځل دی چې د کرکټ ملي لوبډلې د نړۍوال جام په سیالیو کې نیمه پایلوبو ته لار پیدا کوي.
د افغانستان او نوي زیلاند د لوبډلو په سیالیو کې افغانستان ملي لوبډلې په ۵۰ اورونو کې د ۶ تنو لوبغاړو په سوځیدو سره رقیبې لوبډلې ته د ۳۰۹ منډو په ترسره کولو سره د ۳۱۰ هدف وټاکه.
پدې سیالۍ کې د افغانستان د لوبغاړو نه رحمان الله ګربز ، ابراهیم ځدران، بهیر محبوب او عظمت الله عمرزي هر یو د ۶۹، ۶۸، ۶۷ او ۶۶ منډو په کولو سره رقیبې لوبډلې ته ډیر ستر هدف وټاکه.
د نوي زیلاند لوبډلې بیا پدې سیالۍ کې په ۲۹ اورونو کې خپل ټول لوبغاړي د لاسه ورکړ او یواځې ۱۰۷ منډې جوړې کړې.
افغانستان د کرکټ د ۱۹ کلونو د عمرونو نه د ښکته عمر لرونکو ملي لوبډلې د نوي زیلاند په ماتولو سره نیمه پایلوبې ته لار وموندله.
افغانستان ملي لوبډله به خپله راتلوونکې سیالۍ د استرالیا د هیواد د لوبډلې سره وکړي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی