ترهګرو د سوریې د ملي اردو ۳ تنه سرتیري په شهادت ورسول

د پ ک ک ترهګرې ډلې  څانګې وای پ جي  د سوریې په شمال کې  د سولې چینې په پوځي عملیاتو کې پر ګډون کوونکو  د سوریې پر ملي اردو سرتیرو  ځانمرګی برید وکړ چې په نتیجه کې  ۳ تنه سرتیري شهیدان  او ۱۸ تنه نور ټپیان شول.

د ویلو ده چې  د ترکیې او امریکا  ترمنځه  د سوریې په شمال کې د ترکیې د پولو نه د ترهګرو د وتو په خاطر  د شوي توافق نه  د وای پ جي ترهګره ډله  سرغړونه کوي.

ددې توافق له مخې  ترهګر باید د ۱۲۰ ساعتونو په دننه کې  د امن سیمې لپاره د ټاکل شوي  سیمې نه په کامله توګه  خارج شي  . همداشان  ټاکل شوی  مهال ویش هم  مخ په ختمیدو  دی.

ترهګرو  د ترکیې د شانلي اورفا ولایت د اقچه قلعه د ولسوالۍ په مقابل کې  د سوریې په خاوره کې د تل ابیض د ولسوالۍ اړوند  په سیمه کې  د سوریې ملي اردو  په سرتیرو د موټر پر مټ ځانمرګی برید وکړ.

پدې برید کې  د سوریې د ملي اردو  ۳ تنه سرتیري شهیدان او ۱۰ تنه نور ټپيان شول .

همداشان  د ترکیې د جیلان پنار د ولسوالۍ په مقابل کې د سوریې په خاوره کې  د راس العین  کې  هم  د سوریې ملي اردو په امنیتي ځواکونو  بمي برید وشو چې په نتیجه کې ۸ تنه ټپيان شول.

د ویلو ده چې  د اکتوبر په ۹ مه نيټه  د سوریې په شمال کې  د پیل شوو سولې چینې عملیاتو په لړ کې  د سوریې د ملي اردو ۸۴ تنه سرتیري شهیدان شوي  او ۳۱۰ تنه نور ټپیان شوي دي.

همداشان  د سوریې د ملي اردو ځواکونه  د ترهګرو نه په تصفیه شوو سیمو کې  د ماینونو  د پاکولو  او پټو شوو ترهګرو  د نیولو په خاطر  عملیاتو ته دوام  ورکوي.