د ایران  سپاه پاسداران پوځ  نوی اوږد واټنه  بالستیک  توغندی  جوړ کړ .

ایران نوی جوړ کړی اوږد واټنه توغندی معرفي کړ

د ایران  سپاه پاسداران پوځ  نوی اوږد واټنه  بالستیک  توغندی  جوړ کړ .

 

د ایران د سپاه پاسداران د ځواکونو قومندان  جنرال محمد علي جعفري ویلي دي چې  دا توغندی  د ایران په ځايي او ملي فابریکو کې جوړ کړی دی. دا توغندی په زر کیلومتره واټن کې د خپل هدف د لمنځه وړ  په ظرفیت  جوړ شوی دی.

هغه  دا څرګندونې  د نوموړي توغندي د معرفي کولو په مراسمو کې وکړې. هغه وویل چې  د مځکې لاندې په ځايي او ملي فابریکه کې  ددې توغندي  تولید په اصل کې  لویدیځوالو ته  ډیر ښه ځواب دی.

هغوې ګمان کوي چې  د اقتصادي تحریمونو او ګواښونو سره  به مونږ د خپل ستر هدف نه لاس په سر کړي خو خطا کوي. هغه وویل چې د ایران  دفاعي طاقت او ځواک په اړه به هیڅکله  او د هیچا سره  مذاکرات ونکړي.

هغه وویل چې  اروپاپانو  هم په ایران د دفاعي ځواک او توان د لوړولو له امله  د بعضو تحریمونو  او بندیزونو  ګواښونه کړي دي.

غواړم چې  په ډیر افتخار سره  ووایم   چې د ایران  دفاعي طاقت او توان مو  لوړ کړی دی  او پدې اړه هیڅډول اندیښنه هم  نلرو. ایران به د ټولو تهدیدونو  سره سره  په دفاعي برخو کې  پرمختګ ته دوام ورکړي.

هغه وویل چې  دیزفول  په نامه  ددې توغندي  واټن  د زلفقار  ۷۰۰ کیلومتره واټنیزه  توغندي نه  ۳ کیلومتره زیات  او زر  کیلومتره واټنیز  دی. ددې توغندي د تخریب  توان او ظرفیت هم  دوه برابره دی.



اړوند خبرونه