پاکستان : په افغانستان کې د سولې په خاطر د هر ډول هلو ځلو نه ملاتړ کوو

عمران خان : پاکستان د افغانستان د روانې ستونزې د حل په خاطر د امریکا سره هر دول مرستې ته تیار دی

پاکستان : په افغانستان کې د سولې په خاطر د هر ډول هلو ځلو نه ملاتړ کوو

د پاکستان لومړي وزیر عمران خان وویل چې په افغانستان کې  د سولې او ټیکاو راوستو د بهیر سره  به د خپل وس او توانه پورې مرسته وکړي.

هغه دا څرګندونې  د افغانستان لپاره د امریکا د بهرنیو چارو د وزارت د ځانګړي استازي زلمي خلیلزاد سره  چې د دوه ورځني سفر په ترڅ کې نوموړي هیواد ته سفر کړی وو په لیدنه کې وکړې.

خلیلزاد  پاکستان ته د خپل سفر په ترڅ کې د نوموړي هیواد د بهرنیو چارو د وزیر شاه محمود قریشي او د بهرنیو چارو د وزارت سکرترې  تحمینه جانجوا سربیره  د لومړي وزیر عمران خان سره هم  لیدنه وکړه.

د ویلو ده چې زلمي خلیلزاد  د امریکا د ولسمشر دونالد ټرمپ لخوا  د پاکستان لومړي وزیر عمران خان نه   د افغان حکومت او طالبانو ترمنځه  د سولې په مذاکراتو کې  د مرستې د غوښتنې په اړه  د رالیږلي لیک نه  یواځې یوه ورځ وروسته  پاکستان ته سفر وکړ.

د پاکستان مقاماتو  د لومړي وزیر عمران خان او زلمي خلیلزاد د لیدنې د جزیاتو په اړه خبري رسنیو ته ویلي دي چې ، لومړي وزیر پدې لیدنه کې  وویل چې پاکستان په افغانستان کې د سولې او ټیکاو  د راوستو په خاطر  هر ډول مرستې ته تیار  دی. پاکستان به پدې برخه کې د واشنګټن  سره  هر ډول مرسته وکړي.

عمران خان  د امریکا ځانګړي استازي ته په ټینګار سره ویلي دي چې  پاکستان پدې باور دی چې د افغانستان د موجودې ستونزې یواځنۍ حل لاره  سیاسي حل لاره ده. پاکستان هم  د سیاسي حل لارې نه ملاتړ کوي.

پاکستان  د ټولو هغه هلو ځلو نه چې په افغانستان کې د سولې د راوستو سره  مرسته کوي ملاتړ کوي. عمران خان د افغانستان د سولې په خاطر د امریکا سره په ګډه د کار کولو له امله خوښي ښودلې ده .

خلیلزاد په پاکستان کې د رسمي لیدو کاتو نه وروسته  ددې هیواد نه جلا شو.



اړوند خبرونه