په پاکستان کې درنده چاودنه وشوه

 د پاکستان د  جنوبي وزیرستان  د هنګو ښار  د لویر اورکزیو په سیمه کې درنده  چاودنه وشوه.

د هنګو ښار امنیتي سرچینو خبري رسنیو ته ویلي دي چې  د لویر اورکزیو د کلایا بازار په سیمه کې  ډیره  زوروره  چاودنه وشوه چې  د چاودنې غږ  د ډیرو  لرو پرتو سیمو پورې اوریدل شوی دی.

پولیسو ویلي دي چې  پدې چاودنه کې  ۳۰ تنه مړه او تر ۴۰ ډیر ټپیان شوي دي.

پولیسو ویلي دي چې  چاودنه  د مدرسې  د دروازې په مخکې رامنځته شوې ده .

د پيښې ټپیان سمدلاسه  نږدې روغتونونو ته انتقال شوي دي. د ټپیانو نه  د بعضو روغتیايی حالت  ښه ندی ښودل شوی.

د چاودنې نه وروسته سیمه  د پولیسو لخوا محاصره شوې او د احتمالي نورو چاودنو د مخنیوي په خاطر د پلټنې عملیات پيل شوي دي.