د پاکستان  د بلوچستان ایالت په مرکز  کوټه کې  د پولیسو په یو مشر خونړی برید وشو.

په کوټه کې د پولیسو د یو مشر پر موټر خونړی برید وشو

د پاکستان  د بلوچستان ایالت په مرکز  کوټه کې  د پولیسو په یو مشر خونړی برید وشو.

د پاکستان  د بلوچستان ایالت په مرکز  کوټه کې  د پولیسو په یو مشر خونړی برید وشو.

د کوټې ښار نه د ترلاسه شوي رپوټ له مخې نن د سهار په ساعتونو کې  د  کوټې ښار نوان کلي په سیمه کې  نامعلومو وسله والو  د پولیسو  د یو جګپوړي چارواکي پر موټر  ډزې وکړې چې په پایله کې  د پولیسو  مشر  ټپي  او د هغه  زوی او یو خپلوان  ژوند د لاسه ورکړ.

پولیسو خبري رسنیو ته ویلي دي چې دا پیښه  د نوان کلي  د بسونو د وروستي تم ځای ترڅنګ  رامنځته شوې ده . پولیسو ویلي دي چې  نامعلومو وسله والو  د کوټې د ښار د پولیسو د  یو  مشر  عبدالصمد خان  پر موټر  چې  د سیمې نه  تیریده  وسله وال برید وکړ.

په برید کې  د پولیسو مشر عبدالصمد خان  سخت ټپي  شوی ، د هغه زوی  او یو تن خپلوان  ژوند  د لاسه ورکړی دی.

پولیسو ویلي دي چې برید کوونکي د پیښې د سیمې نه په تیښته بریالي شوي دي خو د نیولو په خاطر يي پراخه  پلټنې پیل شوي دي.

د پولیسو د مشر روغتیايي حالت هم  ښه ندی. هغه  د لا ښې تداوۍ په خاطر  پوځي روغتون ته  انتقال کړی شوی دی.  



اړوند خبرونه