په پاکستان کې د ټرافیکي پیښې له امله ستر قتل عام رامنځته شو

د پنجاب په چکوال سیمه کې د تبلیغیانو د بس د چپه کیدو له امله ۹۰ تنو ته مرګ ژوبله واوښته

په پاکستان کې د ټرافیکي پیښې له امله  ستر قتل عام رامنځته شو

د پاکستان  د پنجاب ایالت  د چکوال په ولسوالۍ کې  یو ګړندی مساپر وړونکی  بس  د پل نه  لاندې  ګړنګ  ته  وغورځید.

د چکوال نه د ترلاسه شوي  رپوټ له مخې  د پنجاب ایالت د چکوال ولسوالۍ  د کلرکهار په سیمه کې  یو لوی او ګړندی  مساپر وړونکی  بس  د پل نه لاندې  ګړنګ ته  وغورځید  چې له امله يي  ۲۴ تنه مړه  او تر ۶۶ تنو ډیر ټپیان شوي دي .

د چکوال  پولیسو  خبري رسنیو ته ویلي دي چې  د پيښې لامل  ناڅرګند  دی  . د پیښې د رامنځته کیدو نه سمدلاسه وروسته پولیس  او روغتیايي او د ژغورنې ډلې سیمې ته ورسیدې.

پولیسو ویلي دي چې  د پیښې ټپیان سمدلاسه  نږدې روغتونونو ته ورسول شول. د ټپیانو نه هم  د یو زیات شمیر کسانو  روغتیایي  حالت  ښه  ندی چې کیدای شي د مړو شمیره  لوړه شي.

پولیسو ویلي دي چې پدې پيښه کې  ۲۴ تنو ژوند  د لاسه ورکړی  او ۶۶ تنه  ټپيان شوي دي خو کیدای شي چې د ټپیانو شمیره  لوړه وي.

د ټپيانو نه د ۱۳ تنو روغتیايي حالت باریکه ښودل شوی دی.

پولیسو ویلي دي چې  دا مساپروړونکی  بس  د کوهاټ  نه  د لاهور ښار رایونډ  سیمې  پر لورې روان وو چې پیښه رامنځته شوه.

د پيښې قربانیان  په رایونډ کې  د تبلیغیانو په اجتماع کې د ګډون په خاطر  روان  وو.

پولیسو ویلي دي چې پدې بس  موټر کې د ۹۰ تنو نه ډیرو مساپرو شتون درلود.

د پولیسو په وینا  د پیښې اصلي لامل ناڅرګند دی  خو په اړه يي تحقیقات  پیل شوي دي.

پيښه  د شپې په ناوخته  په نیمايي  کې رامنځته شوې ده .



اړوند خبرونه