اسراييل څرنګه په عاموژنو كې د ميانمار سره مرسته كوي؟

اسراييل د ميانمار د اوردو سره چې په روهينګيا كې د مسلمانانو د عاموژنې اصلي عناصر دي، له اوږدو كلونو راهيسې مرسته كوي.

اسراييل څرنګه په عاموژنو كې د ميانمار سره مرسته كوي؟

 

 

اسراييلو د ميانمار سره د نظامي همكارۍ د ځنډولو غوښتنه چې د بشري حقونو د ځينو ټولنو لخوا شوې وه، رد كړه.

د منځني ختيځ د څارنې د ادارې د راپور له مخې اسراييلي مقاماتو څرګنده كړه چې د ميانمار سره د دوى نظامي همكاري پر ډيپلوماټيكو ارزښتونو ولاړه ده.

د يادولو وړ ده چې د وسلې جوړولو ځينې اسراييلي كمپينۍ له اوږدې مودې راهيسې د ميانمار د نظامي حكومت سره نږدې همكاري لري.  حتى د ټار په نامه يوه اسراييلي كمپنمۍ د رخين په ښار كې د ميانمار د هغو كومانډو ځواكونو روزنه هم پر غاړه لري چې د روهينګيا د مسلمانانو په عاموژنه كې مخامخ لاس لري.

اسراييلو تر اوسه پورې پر ميانمار باندې تر ۱۰۰ زيات ټانكونه پلورلي دي.  سربېره پر دې د ميانمار د سرحدي پوليسو لخوا د كوچينو نظامي كيښتيو تداركات هم د اسراييلي كمپنيو پر غاړه دي.

دا په داسې حال كې ده چې د امريكا د متحدو ايالتونو په ګډون د اروپايي ټولنې هېوادونو پر ميانمار باندې د وسلې پر پلورلو بنديز لګولى دى.


پيوندونه: روهينګيا , ميانمار

اړوند خبرونه