په کابل کې د تیرې ورځې د خونړي برید د مرګ ژوبلې وروستۍ شمیره اعلان شوه
په کابل کې تیره ورځ د میلاد نبي ص د کلیزې په لمانځغونډې ځانمرګی برید وشو
پرون د ماښام په ساعتونو کې افغانستان په پلازمینه کابل کې د میلاد النبي ص د کلیزې د لمانځنې په مراسمو ځانمرګی برید وشو.
د کابل نه د ترلاسه شوو معلوماتو له مخې ځانمرګی برید د کابل د هوايي ډګر په جاده کې د اورانوس په نامه په هوټل کې چیرته چې د میلاد النبي ص د کلیزې د لمانځنې په خاطر مراسم جوړ شوي وو ترسره شو .
د افغانستان د کورنیو چارو د وزارت ویاند نجیب دانش خبري رسنیو ته ویلي دي چې د هوايي ډګر په جاده کې د اورانوس د هوتل په دننه کې د میلاد النبي ص د کلیزې د لمانځنې په مراسمو ځانمرګی برید وشو.
د پیښې عیني شاهدانو خبري رسنیو ته وویل چې ځانمرګی برید د نبي کریم ص د کلیزې د لمانځغونډې د پیلیدو پر مهال هله رامنځته شو کله چې د قرانکریم تلاوت لا پایته نه وو رسیدلی.
عیني شاهدانو ویلي دي چې پدې غونډه کې د ټول هیوادنه په سلګونو تنو دیني علماو او هیوادوالو ګډون کړی وو.
د افغانستان د عامي روغتیا وزارت نن ددې پيښې د مرګ ژوبلې وروستۍ شمیره اعلان کړه.
د عامې روغتیا وزارت ویلي دي چې د تیرې ورځې په پیښه کې ۵۵ تنو ژوند د لاسه ورکړی دی او ۹۴ تنه نور ټپیان شوي دي.
د ټپیانو نه د بعضو روغتیايي حالت ښه ندی.
د ویلو ده چې د افغانستان ولسمشر محمد اشرف غني دا برید په کلکو ټکو وغنده او ډیر سخت غبرګون وښود.
هغه د چارشنبې ورځ په افغانستان کې ملي ماتم اعلان کړ. د ویلو ده چې دې برید په نړۍ کې سخت غبرګونونه وپارول.
ترکیې ، امریکا، پاکستان، ایران، ملګروملتونو سازمان او یو زیات شمیر نورو هیوادونو دا برید په کلکو ټکو وغنده.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی