په کابل کې د میلاد النبي د لمانځنې په مراسمو ځانمرګی برید وشو
په کابل کې د اورانوس په هوټل کې د میلاد النبي د لمانځنې په مراسمو ځانمرګی برید وشو
د افغانستان په پلازمینه کابل کې د میلاد النبي د لمانځنې په مراسمو خونړی برید وشو.
د کابل نه د ترلاسه شوو معلوماتو له مخې چاودنه د کابل د هوايي ډګر په جاده کې د اورانوس په نامه په هوټل کې چیرته چې د میلاد النبي د لمانځنې په خاطر مراسم جوړ شوي وو رامنځته شوې ده .
د لومړنیو معلوماتو له مخې پدې پيښه کې ۵۰ تنه مړه او تر ۸۰ تنو ډیر ټپیان شوي دي.
د افغانستان د کورنیو چارو وزارت ویلي دي چې برید د ځانمرګي برید کوونکي لخوا شوی دی.
د افغانستان د کورنیو چارو د وزارت ویاند نجیب دانش خبري رسنیو ته ویلي دي چې د هوايي ډګر په جاده کې د اورانوس د هوتل په دننه کې د میلاد النبي ص د کلیزې د لمانځنې په مراسمو ځانمرګی برید وشو.
هغه ویلي دي ګمان کیږي چې پدې پیښه کې د ځاني تلفاتو شمیره لوړه شي.
د ویلو ده چې دا مراسم د افغانستان د علماو د شورا لخوا جوړ شوي وو.
په کابل کې د ایمرجنسۍ روغتون ویلي دي چې د نوموړې پیښې په لسګونو تنه ټپیان ددوې روغتون ته راانتقال شوي دي چې د ډیرو روغتیايي حالت باریکه دی.
عینی شاهدانو ویلي دي چې د چاودنې پر مهال تر زرو ډیرو کسانو د هوټل په سالون کې شتون درلود.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
