په کابل کې د حقاني د شبکې یوه مهمه ډله ونیول شوه

د افغانستان د ملي امنیت ریاست  په کابل کې  د حقاني د شبکې د ۱۱ تنو غړیو  د نیولو نه خبر ورکړی دی.

په کابل کې د حقاني د شبکې یوه مهمه  ډله ونیول شوه

 

د افغانستان د ملي امنیت ریاست  د یو بیان په خپرولو سره ویلي دي چې ددوې منسوبینو د کابل د پنځمې او دولسمې ناحیو په مربوطاتو کې  د بګرامۍ او پغمان ولسوالۍ  کې  د حقاني د شبکې ۱۱ تنه غړي چې په کابل کې د ترهګریزو بریدونو او مشرانو د ترور  پلان  درلود  ونیول.

په بیان کې راغلي  دي چې ددې ترهګرو نه  یو زیات شمیر وسلې، ماینونه او ۳۰۰ کیلوګرامه  چاودیدونکي توکي هم  نیول شوي دي.

همداشان  د افغانستان د ملي امنیت ریاست  تیره اوونۍ  هم  د کابل په پنځمه ناحیه کې  د داعش ترهګرې ډلې  یوه څلور کسیزه  ډله نیولې وه. نوموړي داعشیان  د داعش ترهګرې ډلې  د جلب او جذب  او نورو ولایتونو ته  د ترهګرو د لیږد رالیږد  مسئولیت په غاړه درلود.

د ویلو ده چې د حقاني شبکې دا ۱۱ تنه غړي پداسې حال کې نیول کیږي چې  تیره ورځ  طالبانو د حقاني د شبکې د بڼسټ ایښودونکي جلال الدین حقاني د مرګ اعلان وکړ.



اړوند خبرونه