په کابل کې د خونړۍ پیښې مخه ونیول شوه

ترهګرو غوښتل چې یو ځل بیا کابل په وینو ولړي چې له نیکه مرغه مخه يي ونیول شوه

په کابل کې د خونړۍ پیښې مخه ونیول شوه

د افغانستان په پلازمینه کابل کې  ترهګرو غوښتل چې په یو زیارت کې  بې ګناه او مظلوم  انسانان  په قتل ورسوي چې پلان يي شڼډ  شو.

د کابل امنیتي ځواکونو د پولیسو د لومړۍ حوزې په مربوطاتو کې په یو زیارت کې  د چاودنې په خاطر ځای په ځای شوي  چاودیدونکي توکي ونیول.

د کابل د امنیتي سرچینو د خبر له مخې ترهګرو  دا ځل  د صوفي عشقري په زیارت کې  په بې ګناه  انسانانو  د برید هوډ  درلود چې له نیکه  مرغه  مخه يي ونیول شوه.

امنیتي ځواکونو د صوفي عشقري په زیارت کې  چاودیدونکې توکي، د ګازو ډبه  او بم  سیستم  چې  د لرې نه د ټیلیفون په واسطه  عیار شوی وو  کشف او شنډ کړل.

د ویلو ده چې پدې وروستیو کې په کابل کې  په ځانګړې توګه په جوماتونو او زیارتونو کې  بریدونو کچه لوړه شوې ده .

په جوماتونو او زیارتونو ډیری بریدونه  د داعش ترهګرې ډلې لخوا ترسره کیږي. داعش د روان میلادي کال  په ترڅ کې  څو ځله په کابل کې په جوماتونو د بریدونو سره په سلګونو تنه  ملکي وګړي په قتل  رسولي دي.



اړوند خبرونه