د افغانستان د پوځ چورلکې په کندوز کې بیړنۍ ناسته وکړه
د افغانستان د ملي اردو اړوند یوې چورلکې په کندوز ولایت کې بیړنۍ ناسته کړې ده .
د افغانستان د ملي اردو اړوند یوې چورلکې په کندوز ولایت کې بیړنۍ ناسته کړې ده .
د بله پلوه طالبانو بیا د نوموړې چورلکې د ویشتو ادعا کړې ده .
د افغانستان د ملي دفاع وزارت ویلي دي چې ددوې یوه چورلکه چې د داعش ترهګرې دلې پر خلاف د عملیاتو په موخه تخار ولایت ته راونه وه د تخنیکي ستونزې له امله د کندوز د دشتې ارچي په سیمه کې بیړنۍ ناستې ته مجبوره شوه.
د افغانستان د ملي دفاع وزارت ویاند دولت وزیر ویلي دي چې په چورلکه کې سپاره کسان د بلې چورلکې په واسطه انتقال شوي دي او خرابه چورلکه له منځه وړل شوې ده .
طالبانو بیا ویلي دي چې چورلکه ددوې لخوا ویشتل شوې وه چې په دشتې ارچي کې راولویده. طالبانو ادعا کړې ده چې د افغانستان د ملي اردو چورلکه چې د تخار ولایت ته د بمبارۍ په موخه راغلې وه د درقد په ولسوالۍ کې ددوې لخوا وویشتل شوه چې د کندوز ولایت د دشتي ارچي په سیمه کې وغورځیده.
طالبانو ویلي دي چې د الوتکې ټوله سپرلۍ پدې پیښه کې وژل شوي دي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی