د ترکیې د ورځپاڼو سرټکي
د ترکیې د ورځپاڼو سرټکي
د وطن ورځپاڼې ً عسکرو ته نوي صلاحیتونه ً د سرلیک لاندې لیکلي دي د ترکیې حکومت د ترهګرۍ پر وړانډې د مبارزې په چوکاټ کې عسکرو او د هغوې ملکي امرانو ته د نوو صلاحیتونو ورکولو اړوند د قانون مسوده ملي شورا ته وړاندې کړه.
د نوموړې مسودې له مخې ددینه وروسته د ترکیې وسله وال ځواکونه د پولیسو نه د ملاتړ په خاطر د وزیرانو د شورا د حکم په اساس په موقتي توګه په دنده ګمارل کیدلی شي. د سرتیرو د ځای په ځای کیدو ځای ، قومانده او نورو برخو په اړه به وروستۍ پریکړه ستر درستیزوال کوي. همداشان سرتیري د قومندان د لیکلي امر په اساس کورونو او سوداګریزو مرکزونو ته داخلیدلی شي. قومندان باید خپل لیکلی امر د ۲۴ ساعتونو په دننه کې قاضي ته وړاندې کړي.
د صباح ورځپاڼې ً د ۳ عشاریه ۵ میلیارد ډالرو په ارزښت تړون ً د سرلیک لاندې لیکلي دي د ترکیې د هوايي او فضايي چارو د ادارې په تاسیساتو کې د تولیدونکو چورلکو په خاطر تړون لاسلیک شو. ددې پروژې په چوکاټ کې به ۱۰۹ چورلکې تولید او ترکیې وسله والو ځواکونو ته به وسپارل شي. ددې پروژې مالي لګښت ۳ عشاریه ۵ میلیارده ډالره اټکل شوی دی. د ویلو ده چې په نړۍ کې تر ټولو زیات استفاده کیدونکي د سکورسکي د کمپنۍ لخوا تولیدونکي د S70 black hawk په نامه چورلکې به د ترکیې په ځايي سیستمونو سمبال او جوړې شي. دا چورلکې به په پرمختللې تکنالوژۍ سمبال تولید شي. همداشان ددې چورلکو نه د اور وژنې په برخه کې هم ګټه اخیستل کیږي .
د ینې شفق ورځپاڼې لیکلي دي ترکیې د جرمني پر خلاف چې یو څه موده د مخه يي د ۱۹۱۵ کلونو اړوند د ارامنه ادعاګانې د نسل وژنې په توګه په رسمیت وپیژندلې د ګامونو د پورته کولو اړوند نقشه جوړه کړه.
ترکیې د جرمني پر خلاف د ګامونو پورته کولو نه د مخه د جرمني په حکومت کړې خطا مو سمه کړئ غږ کړی دی . ترکیه د جرمني د حکومت نه ددې اعلان تمه کوي چې ووايي د ۱۹۱۵ کلونو د ادعاګانو اړوند د ولسي جرګې پریکړه د دولت او حکومت رسمي نظر او دریځ ندی . د ویلو ده چې د اتریش او لوګسامبورګ حکومتونو هم ددینه وړانډې ورته څرګندونې کړې وې.
د خبرترک ورځپاڼې لیکلي دي د ګلادیاتور د فلم جوړونکي دیوید فرانزوري د مولانا جلال الدین بلخي په اړه د رومي په نامه فلم جوړوي. هغه ویلي دي په پام کې لري چې پدې فلم کې د مولانا په رول کې د نړۍ نامتو سینمايي څیره لیوناردو دي کاپریو ولوبوي. د رومي د فلم د سناریو لیکوونکي دیوید ویلي دي چې مولانا په نړۍ او د هغه ټولنې لپاره چې پکې ژوند کړی دی ځانګړې اهیمت لري. ددې داسو اشخاصو ژوند تل په څیرولو ارزي. هغه ویلي دي تمه کوي چې د رومي فلم په شوټنګ راتلونکي کال کې کار پیل کړي.
د حرییت ورځپاڼې لیکلي دي د ترکیې ځوان ملي فوټبالر عمره مور د جرمني د بوروسیا دورتموند د لوبډلې سره تړون لاسلیک کړ. په خبر کې راغلي دي چې نوموړي د یادې شوې لوبډلې سره د کال د ۱۶ میلیونو ایرو په بدل کې تړون لاسلیک کړ. په خبر کې راغلي دي چې عمره مور به د ۵ کلونو لپاره د یادې شوې لوبډلې لپاره لوبه وکړي.
