د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د وطن ورځپاڼې « د قطر پنځو لویو شرکتونو په ترکیه کې په پانګه اچونو پيل وکړ » د سرلیک لاندې لیکلي دي، د قطر د دولت لخوا په ترکیه کې د ۱۵ میلیارده ډالرو د پانګه اچونې د پریکړې نه وروسته د یاد شوي هیواد خصوصي سکتور پام هم ترکیې ته راوښتی دی.

د قطر ۵ مهمو او لویو شرکتونو  په لومړني پړاو کې په ترکیه کې د ۳۰۰ میلیونو دالرو په ارزښت په پانګه اچونه پيل وکړ.

د قطر رویل لینک  د شرکت  عمومي مدیر حسین احمد حسن ویلي دي که چیرې د قطري  پانګه والو لپاره یو ځانګړی  دفتر  پرانیستل شي  کیدای شي چې د ۵۰ میلیاردو نه ډیر  د قطر پانګه ترکیې ته راشي.

د ینې شفق ورځپاڼې « د ونډو په بازارونو کې د موټرو د شرکتونو  بیه  ۲۵ سلنه لوړه شوې  »  د سرلیک لاندې لیکلي دي، د استانبول  د ونډو په بازار کې  د موټرو د سکتور په برخه کې  فعالیت کوونکو   ۸ لویو شرکتونو د روان کال  په تیرو ۸ میاشتو کې د تیر کال همدې میاشتو په پرتله  عواید  ۲۵ سلنه لوړ شوي دي.

د سټار ورځپاڼې « د ملي هیلي کوپټر تاریخ  معلوم شو  »  د سرلیک لاندې لیکلي دي، ترکیې د لومړنۍ ملي  ملکي چورلکې ټي ۶۲۵ ماشین په بریالیتوب سره  وازمایه. د نوموړي ازمایښت په ترڅ کې د لومړي ځل لپاره د چورلکې څرخونه  تاو شول. په خبر کې راغلي دي چې  د هیواد د انجینیرانو لخوا طرحه ، ډیزاین او جوړه شوې  دا چورلکه به لومړنۍ  الوتنه  د سپټمبر په ۶ مه نیټه  ترسره کړي.

د ویلو ده چې  دا چورلکه  د هوا په هر ډول حالاتو او جغرافیوي  موقعیتونو، په لوړه ارتفاع، په ډیره توده  هوا، د شپې او ورځې  په هر ډول شرایطو کې  د الوتنې په ظرفیت  جوړه  شوې ده .

په خبر کې راغلي دي چې  ددې چورلکې په طرحه ، ډیزاین او جوړولو کې د ملي امکاناتو نه  استفاده شوې ده . تمه کیږي  چې ددې چورلکو نه  د باربرۍ، کارګو، د پلټنې په عملیاتو، امبولانس او یو زیات شمیر نورو برخو کې ګټه پورته شي.

دا چورلکه په ځانګړې توګه  جوړه شوې ده .

د صباح ورځپاڼې  « په نړۍ کې  د ۷ تر ټولو اوږدو د ځغاستو د لیکو نه یوه په ترکیه کې ده »  د سرلیک لاندې لیکلي دي، د موغلا ولایت د فتحیې د ولسوالۍ نه د انتالیا ولایت ته غځیدلې  د ۵۴۰ کیلومترو په اوږدوالي سره  د ځغاستې  لیکه  د ډیرې ښکلې منظرې  او تاریخي  مکانونو سره  سیلانیانو  توجه  جلب کړې ده . دا  لیکه چې  دا ارام سمندر نه  پيل د ډيرو ښکلو منظرو سره  منډه وهونکو او سیلانیانو ته  ډیرې ښې  او په زړه پورې شیبې ورپه برخه کوي.

د خبرترک ورځپاڼې  « انتالیا ولایت په اګست میاشت کې د ګرځندوی په برخه کې ریکاټ جوړ کړ » د سرلیک لاندې لیکلي دي، انتالیا ولایت د سږکال د اګست په میاشت کې د ګرځندوی په برخه کې  یو ستر ریکاټ جوړ کړ. د اګست په میاشت کې  انتالیا ولایت ته  ۲ میلیونه ۱۵۰ زره او ۴۴۸ تنه ګرځندویان  راغلي دي.

د روان کال د جنوري د لومړۍ او اګست تر ۳۱ مو نیټو  انتالیا ته  جمعآ ۹ میلیونه ۶۲ زره او ۶۲ تنه راغلي دي . انتالیا ولایت د ۲۰۱۸ کال لپاره  ۱۴ میلیونه تنه سلانیانو هدف ټاکلی دی.

 



اړوند خبرونه