د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د وطن ورځپاڼې « ډیری  انګلیسان ترکي لیرې رانیسي  »  د سرلیک لاندې لیکلي دي، د ترکیې د اق بانک  عمومي  رئیس  حاقان بین باشګیل  ویلي دي چې د نړۍ په بازارونو کې د ترکي لیرو طلب  کچه  ډیره زیاته  لوړه شوې ده .

د بله پلوه  د ګاردین  ورځپاڼې  بیا خبر ورکړی دی چې په انګلستان کې د ترکي لیرې طلب  ډیر زیات لوړ شوی دی. د صرافۍ په شرکتونو کې  ترکي لیرې  ختمې شوي دي. ورځپاڼې لیکلي دي چې په انګلستان کې د انټرنټ له لارې د ترکي لیرو  طلب د تیرې میاشتې په پرتله ۲۴ سلنه لوړ شوی دی.

د صباح ورځپاڼې « نامتو پانګه وال فابیر: په ترکیه کې د سرمایه ګذارۍ وخت رارسیدلی دی »  د سرلیک لاندې لیکلي دي، په نړۍ کې  د آټکلونو سره  مشهور  نامتو امریکايي پانګه وال مارک فابیر  ویلي دي چې د امریکا لخوا  پیل شوې  اقتصادي جګړه به  په نړۍوال تجارت  ډیرې زیاتې منفي  اغیزې وکړي.

هغه ویلي دي چې تجاري جګړه په اصل کې  د تولې معنا سره  حماقت  دی. لکه څرنګه چې ګورۍ  نړۍوال تجارت پخپله  د ډیرو  جدي ستونزو سره  مخامخ  دی. هغه ویلي دي چې  دم ګړۍ  په ترکیه کې  د پانګه اچونې  تر ټولو ښه  وخت  دی. غواړم چې په ترکیه کې پانګه اچونه وکړم .

د ینې شفق ورځپاڼې « د ترکیې سره تجاري جګړې د امریکا د ونډو بازار ته لوی زیان  واړو »  د سرلیک لاندې لیکلي دي، د امریکا د ولسمشر دونالد ټرمپ لخوا د ترکیې سره  د تجاري جګړې د پيلیدو له امله د نوموړي هیواد د ونډو په بازار ډیرې بدې اغیزې وکړې.

د امریکا د سي ان ان  نړۍوال کانال  ویلي دي چې  د ټرمپ لخوا د ترکیې سره  تجاري جګړې  د امریکا ونډو بازار په اوبو لاهو کړ. سي ان ان انټرنیشل  د فادي هاکورا لخوا لیکل شوې مقاله  خپره کړې ده . نوموړي پدې مقاله کې ددې خبرې په ټینګار ویلي دي چې  لویدیځ لپاره به د ترکیې د لاسه ورکولو بدل  ډیر سخت تمام  شي.

د سټار ورځپاڼې « روسیې لخوا د ویزو د معافیت په اړه زیری » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو سوداګرو ته  د ویزو د اسانتیاوو په برخه کې  زیری  ورکړ.

هغه وویل چې د روسیې سره  د ویزې د معافیت په مسلې  په تفاهم  رسیدلي وو.

مولود چاوش اوغلو دا څرګندونې  د ترکیې د صادراتو د مجلس لخوا  د سفیرانو په لسم  کنفرانس کې د ګډون کوونکو په ویاړ په جوړه شوې  د ماښام په میلمستیا کې وکړې.

هغه وویل لکه څرنګه چې پوهیږۍ  د روسیې د بهرنیو چارو وزیر سرګي لاروف د سفیرانو په کنفرانس کې د ګډون په خاطر  انقرې ته راغلی وو. د ویزې  په مسله مو ورسره هراړخیز خبرې وکړې.

په ځانګړې توګه  د سوداګرو، د لویو لاریو چلوونکو، د رسمي پاسپورت لرونکو او خدمت  پاسپورتونو  لپاره د ویزې په معافیت سره په تفاهم  ورسیدو.

د خبرترک ورځپاڼې « د جولای په میاشت کې بهرنیانو لا زیات کورونه پیرودي دي » د سرلیک لاندې لیکلي دي، په ترکیه کې د روان میلادي کال  د جولای په میاشت کې  بهرنیانو  د تیر کال همدې میاشتې په پرتله  ۶۵ عشاریه ۶ سلنه لا زیات  کورونه  او غیرمنقول اموال رانیولي دي. د ویلو ده چې د جولای په میاشت کې  ۲۸۵۸ کورونه پر بهرنیانو پلورل شوي دي.

د ویلو ده چې بهرنیو وګړو  د جولای په میاشت کې  تر ټولو ډیر کورونه په استانبول، انتالیا، بورسا، یالووا  او سکاریا ولایتونو کې رانیولي دي.

په خبر کې راغلي دي چې د جولای په میاشت کې په ترکیه کې تر ټولو زیات  د عراق، ایران، سعودي عربستان، روسیې  او کویټ وګړو  کورونه رانیولي دي.



اړوند خبرونه