د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د حریت ورځپاڼې « د چاوش اوغلو او پومپیو ترمنځه  مهمه لیدنه »  د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو  د خپل امریکايي سیال مایک پومپیو سره د ټیلیفون په کرښه خبرې وکړې.

دواړو وزیرانو  پدې ټیلیفوني خبرو کې د ترکیې او امریکا ترمنځه د موجودو ستونزو په حل خبرې وکړې.

د وطن ورځپاڼې « د ترکیې د دفاع وزیر د خپل امریکايي سیال سره  ټیلیفوني خبرې وکړې » د ترکیې د ملي دفاع وزیر خلوصي اکار د امریکا متحده ایالتونو  د دفاع وزیر جمیس ماتیس  سره  د ټیلیفون په کرښه خبرې وکړې. دواړو وزیرانو د دوه اړخیزو دفاعي اړیکو، سوریې  او د ترهګرۍ پر وړانډې  د مبارزې په مسلې خبرې وکړې.

د صباح ورځپاڼې «  نامتو الماني شرکت په ترکیه کې  ستره پانګه اچونه کوي  » د سرلیک لاندې لیکلي دي، د ترکیې د صنایع او تکنالوژۍ وزیر مصطفی وارانک وویل چې  د جرمني نامتو د بوش  شرکت غواړي چې  د ترکیې د بورسا په ولایت کې  ستره پانګه اچونه وکړي. بوش شرکت په پام کې لري  چې  د نوې فابریکې نه په کال کې  ۱۸۵ میلیونه  ډالرو په ارزښت صادرات وکړي.

د سټار ورځپاڼې لیکلي دي  چې  بوسنیا هرزګوینا  د فلمونو فیستیوال ته  تیاری نیسي. په خبر کې راغلي دي چې  د ترکیې نامتو فلم جوړونکی  نوري بیلګه جیلان به  پدې فیستیوال کې ګډون وکړي. ویل کیږي  نوموړي ته به  د ټول عمر لپاره د بریالیتوب  جایزه ورکړ شي. هغه به  په بوسنیا کې د خپلو مینه والو سره  هم  وګوري. دا فیستیوال به د اګست په لسمه پيل او ۷ ورځې به دوام  وکړي.

د خبرترک ورځپاڼې « دهیواد  ملي منډه وهوونکی  جاک علي هاروي د اروپا دریم مقام خپل کړ »  د سرلیک لاندې لیکلي دي، د جرمني په پلازمینه برلین کې  د اروپا د ځغاستې  د اتلولۍ د سیالیو په چوکاټ کې چې  د ۴۹ هیوادونو نه  ۱۵۴۲ منډه وهونکو ګډون کړی وو  د ترکیې دوو تنو ملي منده وهونکو  جاک علي هاروي  او عمره ظفر بارنس پایلوبو ته لار موندلې وه.

ترکیې  پدې سیالیو کې  دریم  مقام  خپل کړ.

 



اړوند خبرونه