د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د صباح ورځپاڼې  « اردوغان : انشاالله پرته د چلوونکي  ټانک  به جوړ کړو »  د سرلیک لاندې لیکلي دي، د ترکیې ولسمشر رجب طیب اردوغان  وویل چې ترکیه  اوس مهال  پرته د چلوونکي ټانک  د جوړولو توان لري. ولسمشر اردوغان دا څرګندونې  د بیشتپه  په ماڼۍ کې  د پراختیايي پلان د معرفي په خاطر په جوړه شوې غونډه کې وکړې. هغه وویل چې  ترکیه باید  پرته د چلوونکي  ټانک  جوړ کړي. د داسو  وسلو د جوړولو په خاطر  باید  فکر وکړو. نن ورځ  ترکیه  یو زیات شمیر وسلې پخپله جوړوي. ترکیه  پرته د چلوونکي د ټانک د جوړولو توان لري.

د ینې شفق ورځپاڼې  «  لومړي وزیر د بانکي سود او انفلاسیون په خاطر سفربري اعلان کړه  » د سرلیک لاندې لیکلي دي، د ترکیې لومړي وزیر بنعلي ییلدرم  د چانکایا په ماڼۍ کې جوړه شوې د بهرني اقتصادي اړیکو د شورا غونډې ته وینا وکړه. هغه  پدې غونډه کې  د بانکي سود او انفلاسیون  په خاطر  سفربري اعلان کړه. لومړي وزیر وویل ټول باید  په ګډه توګه  د انفلاسیون  د کچې د راټیټولو په خاطر  کار وکړو. انفلاسیون کچه باید هر څه ژر د ۷ سلنې نه راټیټه کړو.

د وطن ورځپاڼې  «  د ترکیې نفوس  به په ۲۰۴۰ کال کې تر سل میلیونو تنو واوړي »  د سرلیک لاندې لیکلي دي، تمه کیږي چې د ترکیې نفوس  تر ۲۰۴۰ کال تر سلو میلیونو تنو واوړي. د ترکېې د احصایې د ادارې  د ۲۰۱۸ او ۲۰۸۰ کلونو ترمنځه  د نفوس په اړه د ترسره شوو څیړونو  پایلې  اعلان کړې. پدې څیړونو کې  ویل شوي دي چې  تمه کیږي  تر ۲۰۴۰ کاله  د ترکیې نفوس  تر سل میلیون تنو واوړي.

د خبرترک ورځپاڼې  « یغیت جان یلمز د اپل کمپنۍ لخوا د ستایلو کسانو په لست کې شامل شو »  د سرلیک لاندې لیکلي دي، د ترکیې د قهرمان ماراش  ولایت  اوسیدونکي  ۱۶ کلن  یغیت جان یلمز  د اپل د کمپنۍ  په بعضو اپلیکشنونو کې  د امنیتي تشو  د تثبتولو  له امله  د یادې شوې کمپنۍ لخوا ستایل شوی وو. یاد شوې کمپنۍ  نوموړی  د ستایل شوو کسانو په لست کې شامل کړ.

د حرییت ورځپاڼې  « ترکي ډرامې  د نړۍ  ګوټ ګوټ کې مینه وال لري  »  د سرلیک لاندې لیکلي دي، د الجزیرې  تلویزیون  په سومالیا کې  د ترکي ډرامو  د شهرت  په اړه  تحقیقات کړي دي.

الجزیرې  تلویزیون  پدې اړه په جوړ کړي پروګرام کې ویلي دي چې  د ترکي فلمونو او ډرامو  په سومالیا کې  د هالیوډ او بالیوډ  سینماګانې د ماتې سره مخامخ کړي دي.

همداشان  په سومالیا کې د ترکي ډرامو مینه وال د هرې ورځې په تیریدو سره  مخ په ډیریدو  دي.



اړوند خبرونه