د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د خبرترک ورځپاڼې  « په سیاسي حل لارې  توافق وشو » د سرلیک لاندې لیکلي دي، د ترکیې ولسمشر رجب طیب اردوغان  تیره ورځ د یو یو ورځني سفر په ترڅ کې د روسیې سوچي ښار ته سفر وکړ. ولسمشر اردوغان په سوچي ښار کې  د روسیې د ولسمشر ولادیمیر پوتین سره په لیدنه کې د سوریې په مسله خبرې وکړې. دواړو مشرانو د سوریې د روان کړکیچ د حل په خاطر  مهم پيغامونه ورکړل. ولسمشر اردوغان د پوتین سره د لیدنې نه وروسته په ګډه خبري غونډه کې وویل «  د روسیې د ولسمشر سره مو د سوریې په وروستیو پرمختګونو د خبرو کولو  فرصت  ترلاسه کړ.

د سوریې روان کړکیچ ته  د سیاسي لارو څخه د حل لارې په موندو مو  توافق وکړ. د روسیې ولسمشر پوتین هم وویل چې په سوریه کې د روان کړکیچ د حل په مسله کې د سیاسي حل لارې په برخه کې  ښاغلي اردوغان سره  همفکره یو.

د سټار ورځپاڼې  « د ترکیې لومړي وزیر د ایران د مرستیال ولسمشر سره ټیلیفوني خبرې وکړې » د سرلیک لاندې لیکلي دي، د ترکیې لومړي وزیر بنعلي ییلدرم  د ایران د ولسمشر د لومړۍ مرستیال  اسحق جهانګیري سره د عراق او ایران په پوله کې د رامنځته شوې زلزلې په اړه  د ټیلیفون په کرښه خبرې وکړې. لومړي وزیر په ایران کې په رامنځته شوې زلزله کې د ځاني زیانونو له امله  جهانګیري ته  تسلیت مراتب وړاندې کړل.

د صدرات ماڼۍ  د معلوماتو له مخې لومړي وزیر د ایران مرستیال ولسمشر ته وویل چې « د ترکیې په توګه پدې سختو شپو ورځو کې  د خپل دوست او ورور هیواد ایران ته  هر ډول  مرستو ته  تیار یو.

د اړتیا په صورت کې ترکیه  هر ډول مرستو ته  اماده ده. هغه  د لومړي وزیر نه په مننې سره وویل « د اړتیا په صورت کې به  ترکیې ته خبر ورکړو »

د حرییت ورځپاڼې  « په ۲۰۵۰ کال کې د نړۍ تر ټولو پرمختللي هیوادونه معلوم شول»  د  سرلیک لاندې لیکلي دي، د مالیاتو د کنټرول  او مشورتي خدماتو  شرکت  پرایس واټرهاوس  په ۲۰۵۰ کال کې  د نړۍ تر ټولو قوي اقتصادونو  او پرمختللو هیوادونو په اړه  اټکلونه  اعلان کړل.

د یاد شوي  شرکت  په آټکلونو کې راغلي دي چې ترکیه به تر ۲۰۵۰  کلونو پورې  د نړۍ  تر ټولو د پرمختللو لسو هیوادونو په کتار کې ځای ونیسي. ترکیه به پدې ډول  د یو زیات شمیر اروپايی هیوادونو نه  مخکې شي. پدې اټکلونو کې راغلي دي چې  لویدیځه نړۍ چې نن ورځ په ټوله نړۍ  حکمداري کوي  تر ۲۰۵۰ کاله به يي  اقتصادي ځواک  د پام وړ کم شي.

د صباح ورځپاڼې  « د بارسلایس  اقتصادي شرکت د ترکیې د اقتصادي ودې په اړه خپل اټکل  لوړ کړ » د سرلیک لاندې لیکلي دي ، د بارسلایس  اقتصادي شرکت  چې  د تیرو ۳۰۰ کلونو راهیسې په اروپا، اسیا، افریقا او انګلستان کې  د نږدې ۶۰ هیوادونو بانکي او اقتصادي سیستمونه د نږدې نه څاري  په ۲۰۱۷ او ۲۰۱۸ کلونو کې د ترکیې د اقتصادي ودې لپاره خپل اټکل لوړ کړ. یاد شوي شرکت ویلي دي چې  د ترکیې حکومت  د مالي تشویقونو او لوړ صادراتو لپاره د زمینې د برابرولو سره  اقتصادي وده  د پام وړ لوړه کړې ده . یاد شوي شرکت ویلي دي چې ترکیه به په ۲۰۱۷ کال کې  ۵ عشاریه ۹ سلنه اقتصادي پرمختګ وکړي.

همداشان په ۲۰۱۸ کال کې به بیا  ۴ عشاریه یو سلنه  اقتصادي پرمختګ وکړي.

 



اړوند خبرونه