Украина элчиси: «Сүйлөшүүлөрдө ийгиликтүү болгон жалгыз өлкө Түркия болду»

Украинанын Түркиядагы элчиси Васил Боднар, Орусия-Украина согушуна байланыштуу: «Тынчтык шарттарын сүйлөшүүлөрүндө ийгиликтүү болгон жалгыз өлкө Түркия болду»,-деди.

Боднар Башкент университетинин саясат таануу жана эл аралык мамилелер коомчулугу тарабынан уюштурулган «Элчи кампуста» аттуу иш-чарасында Түркия-Украина карым-катнаштары жана учурдагы өнүгүүлөр тууралуу баа берди.

Боднар, Орусия-Украина согушунан улам тарткан жоготуулар жана жер которгон калкка токтолуп, күтүлгөндөн да чечкиндүү күрөшкөндөрүн жана натыйжада «Орусиянын саясий жоготуулары бир топ жогору болгонун» айтты.

Түркия менен аймакка (Украинага) 400дөн ашуун фура азык-түлүк жөнөтүшкөндөрүн жана ал жердеги адамдардын аман калгандарын белгилеген Боднар, согуштун башталышынан бери Түркияга көп украиналыктын келгенин белгиледи.

Элчи Боднар гуманитардык жардам менен катар Түркиянын эл аралык аренадагы ролуна токтолуп, мындай деди: «Тынчтык сүйлөшүүлөрүндө ийгиликтүү болгон жалгыз өлкө Түркия болду»,-деди.

Боднар аймактык коопсуздук темасынын Түркияны жакындан кызыктырганын белгилеп: «Биз ушунчалык таянган эл аралык уюмдарды карагыла. Бул маселе боюнча биздин көз карашыбызда алар натыйжасыз гана эмес, компетентсиз да»,-деп айтты.

Түркия менен Украинанын коргоо өнөр жайында да бири-бирине колдоо көрсөткөнүн белгилеген Боднар:«Согушка карабастан, биз бул пайдалуу кызматташтыкты сынап жатабыз»,-деп айтты.