Түркия, Румыния жана Болгария Кара деңиз миналары менен күрөшүүнү бирдикте жүргүзөт
Яшар Гүлер НАТОнун штаб - квартирасында Болгариянын коргоо министри Тодор Тагарев жана Румыниянын коргоо министринин орун басары Симона Кожокару менен жолугушту.
Улуттук коргоо министри Яшар Гүлер НАТОнун коргоо министрлеринин жыйынынын негизинде барган Бельгиянын борбор шаары Брюсселдеги НАТОнун штаб - квартирасында Болгариянын коргоо министри Тодор Тагарев жана Румыниянын коргоо министринин орун басары Симона Кожокару менен жолугушту.
Жыйында Кара деңизде деңиз миналары менен күрөшүү тууралуу бирдикте иштөөгө карата "үчтүк демилгенин" түзүлүшү тууралуу чечим чыгарылды.
Яшар Гүлер Брюсселдеги жолугушууларынын негизинде Украинанын коргоо министри Рүстем Умеров жана Британиянын коргоо министри Грант Шаппс менен да өз - өзүнчө жолугушуу өткөрдү.
Гүлер Умеров менен жолугушуусунда да НАТО - Украина карым - катнаштары жана аймактык өнүгүүлөр тууралуу пикир алмашып, Шаппс менен аймактык коргонуу жана коопсуздук жана коргонуу өнөр жайындагы кызматташтыкты карап чыгышты.
