Кытайга кеткен алгачкы экспорт поезди Анкарадан өттү

Түркиядан Кытайга экспорттолгон продукция ташыган жана 8 693 километр жолду баса турган биринчи экспорт поезди Анкарадан өттү.

Темир Жибек Жолу деп аталган, Азия  -  Европа континеттеринин арасында кыска, ишенимдүү, экономдуу жана климаты ыңгайлуу темир жол коридору болгон Демир Жибек Жолу/Орто Коридору Түркиядан Кытайга алгачкы экспорт поездин алып барууга даярданууда.

Поезд 8 - декабрь күнү кечинде Түркиядагы 2 миң 323 чакырымдык жолун аяктап Карска келип, андан кийин Баку-Тбилиси-Карс темир жолу аркылуу Кытайга жолун улантат.

Өлкө тышындагы сапары кезеги менен Грузия  - Азербайжан -  Каспий деңизи өткөөлү – Казакстан жана Кытайдын Сиань  шаарында аяктайт.

Жалпы узундугу 754 метр болгон поезд 42 контейнерде үй  эмеректери жүгү менен жолун улантууда. Түркияда өндүрүлгөн жалпы 1400 муздаткычты ташыган поездин Кытайга болжол менен 12 күндө барышы күтүлүүдө.