Орустар түрктөргө орусча үйрөтө башташты

Анкарада орус тили мугалимдери жолугушту.

Орустар түрктөргө орусча үйрөтө башташты

Орусиянын Анкарадагы элчиси Алексей Ерхов, Түркияда орус тилин үйрөтүүнүн маанисине токтолуп, «Чогуу иштесек дагы көп жөндөмдүү түрк студенттерине Орусиядагы университеттерге кирүү укугун камсыздайбыз»,-деди.

Орусиянын Анкарадагы элчиси Алексей Ерхов, Элчиликте өткөргөн иш-чарада Түркиядагы орус тили мугалимдери жана окуучулары менен жолугушуу өткөрдү.

Анкара университетинде Түркиянын алгачкы Орус тили жана адабияты бөлүмүнүн ачылышынын 70 жылдык мааркеси белгиленгенин эске салган элчи Ерхов, Пушкин, Толстой, Блок, Чехов сыяктуу орус адабиятчыларынын Орусия үчүн маанисине токтолду.

Түркиядагы орус тили мугалимдерине эки өлкөнүн ортосунда көпүрө милдетин аткаргандары үчүн ырахматын айткан Ерхов, мугалимдерден угуу жана көрүү ыкмаларын, интернеттеги сабак материалдарын колдонуп ар бир мүмкүнчүлүктө балдар менен катар чоңдорго да түркчө үйрөтүлүшү чакырыгын салды.

Орус университеттерине түрк окуучулардын кабыл алынуу процессине токтолгон элчи Ерхов: «Чогуу иштесек дагы көп жөндөмдүү түрк студенттерине Орусиядагы университеттерге кирүү укугун камсыздайбыз»,-деп айтты.

Ерхов, статистикалар ар дайым туура маалыматты бербегенин белгилеп, «Эмгектерибиздин ийгиликтүүлүгүнө, биз уюштурган иш-чаранын санына жараша эмес, Түркияда орус тилин билген, орус тилин сүйгөн жана сүйлөгөн кишилердин санына жараша баа берели»,-деди.

Сөз сүйлөөлөрдөн кийин орус адабиятчысы Александр Пушкиндин чыгармасы «Евгений Онегинди» түрк тилине которгон Эржиес университетинин орус тили жана адабияты бөлүмүнүн докторантура окуучусу Сабри Гүрсес жана Эржиес университетинин орус тили жана адабияты бөлүмүнүн башчысы Севинч Үчгүл менен «20-кылымдагы орус ырларынан тандалмалар» жыйнагын даярдагандарга ыраазычылык каттары ыйгарылды.

 



Тектеш кабарлар