Кубада жүргүнчү учагы кырсыкка учурады

104 жүргүнчү менен 9 экипаж болгон Boeing 737 моделиндеги учактан 3 гана киши кутулду.

Кубада жүргүнчү учагы кырсыкка учурады

Кубанын борбор шаары Гаванада жүргүнчү учагы учкандан кийин кырсыкка учурады.

104 жүргүнчү менен 9 экипаж болгон Boeing 737 моделиндеги учактан 3 гана киши кутулду.

Мамлекеттин расмий гезити «Гранма» ооруканада дарыланып жаткан 3 кишинин абалынын оор экендигин билдирди.

Мамлекет башчысы  Мигель Марио Диас-Канел Бермудес көп сандаган жогорку мартабалуу жетекчи менен бирге учак кырсыгы болгон жерге барды.

Учактын эмне себептен кырсыкка учурагандыгы азырынча белгисиз.

Гавананын Хосе Марти эл аралык аэропортунан  Ольгинге баруу үчүн учкан учактын «Cubana» аба жолу тарабынан мексикалык бир фирмадан арендага алынгандыгы билдирилди.

Эскерте кетсек Кубанын Артемиса шаарында өткөн жылы бир аскердик учак кырсыкка учурап, кырсыкта 8 киши каза болгон.

2010 -  жылы да Сантьяго-Гавана каттамына чыккан бир жүргүнчү учагынын кырсыкка учурашы менен 68 киши каза болгон.



Тектеш кабарлар