Дүйнөнүн эң узун поезд жолу

Кытай дүйнөнүн эң узун поезд жолун ишке киргизди. Поезд жолу Кытайдын «Жаңы Жибек Жолу» деп аталат. Шанхай жакындарынан чыккан жүк ташуучу поезд толук 13 миң километр жолду басып өтүп Испаниянын борбор шаары Мадридге барат. Кытайлык өндүрүүчүлөрдүн транспорт чыгымдарын төмөндөтүүсү күтүлгөн поезд 19 - ноябрда жолго чыкты. Поезд 21 күндө Мадридге барат. Шанхайдан Мадридге деңиз жолу менен баруу 35 – 40 күнгө созулат. 82 вагон жана бир локомотивден турган поезд Кытайдан кийин Казакстан, Орусия, Белорусия, Польша, Германия жана Франция аркылуу Испанияга барат. «Жаңы Жибек Жолу» тарыхый "Orient Expressтен" 5 эсе дагы узун. «Жаңы Жибек Жолунун» ачылышы менен 9 миң 200 километрдик Москва – Владивасток Россия поезд каттамы дүйнөнүн эң узун поезд жолу тизмесинде экинчиликке түшкөн болду.