Қазақстан Швецияға уран партиясын экспорттады

Қазақстанның ұлттық атом компаниясы Швецияға уран партиясының алғашқысын экспорттағанын мәлімдеді.

kazatomprom_uran.jpg

«Қазатомөнеркәсіп» ҰАК» АҚ жасаған жазбаша мәлімдемеде өз АЭС-терінің қажеті үшін ядролық отын сатып алуға жарияланған тендердің нәтижесі бойынша «Қазатомөнеркәсіп» ҰАК» АҚ мен «Vattenfall AB» компаниялары арасындағы ынтымақтастық туралы коммерциялық келісім аясында алғашқы экспортын жүзеге асырғанын жариялады.

Қазақстан Швецияға табиғи уран жеткізу жөніндегі келісімшартты бекітті. Өз АЭС-терінің қажеті үшін ядролық отын сатып алуға жарияланған тендердің нәтижесі бойынша «Қазатомөнеркәсіп» ҰАК» АҚ мен «Vattenfall AB» компаниялары арасындағы ынтымақтастық туралы коммерциялық келісімге қол қойылды.

Уағдаластыққа сәйкес тараптар өздерінің барлық міндеттерін орындап шықты. Қазақстанның ұлттық атом компаниясы Швецияға уран партиясын экспорттады. Аталмыш жобаны іске асыру Қазатомөнеркәсіпке жеткізулер географиясын әртараптандыру мен шетелдік жаңа ядролық отын нарығына шығуға мүмкіндік ашты.

Vattenfall AB – 7 ядролық реакторға операторлық ететін Еуропадағы ірі энергетикалық компаниялардың бірі. Компания электр және жылу энергияларын өндіріп, Швеция, Дания, Финляндия, Германия мен Польшаға өткізеді. «Vattenfall AB» компаниясының жалғыз меншік иесі – Швед мемлекеті.



Ұқсас жаңалықтар