Түркияның Венесуэлаға экспорты 207 пайыз артты
Түркияның Венесуэлаға экспорты 207 пайыз артып, 112,8 миллион долларға ұласты.
Эгей экспортшылар одағы координаторы төраға орынбасары Бирол Джелеп осы өсудің екі ел арасындағы саяси жақындасудың ықпалы екенін атап көрсетті.
Джелеп жасаған мәлімдемеде президент Режеп Тайып Ердоған мен Венесуэла президенті Николас Мадуроның екі жақты сапарларының саяси және мәдени ынтымақтастыққа қоса сауда-саттық қарым-қатынастарға да үлес қосқанын атап көрсетті.
Венесуэлаға 2017 жылы қаңтар-қараша кезеңінде 36,7 миллион доллар экспорт жасалғанда 2018 жылдың бірдей кезеңімен салыстырғанда 207 артып, 112,8 миллион долларға ұласқанына назар аударған Джелеп экспортта алғашқы орынды 56,5 миллион доллармен дақыл, ірі бұршақтылар мен майлы тұқымдас өнімдер, екінші орынды болса 17 миллион доллармен тасымалдау көліктері мен өнеркәсіптік заттардың құрағанын білдірді.
Джелеп сондай-ақ «Саяси қарым-қатынастардағы жақындасудың экспортқа үлесінің алдағы кезеңде артуын күтеміз» деді.
Ұқсас жаңалықтар
Түркия бидай ұны экспортында 10 жылдан бері бірінші орында
Түркия 2022 жылдан бастап 10 жыл бойы бидай ұны экспортында бірінші орында тұр.
Түрік қорғаныс өнеркәсібі Қытай баспасөзінде орын алды
Түрік қорғаныс өнеркәсібі өнімдерінің экспорттағы табысы әлем күн тәртібінде.