• Bidiyo

Karyewar gada ya janyo tireloli 732 kasa shiga Nijar daga Benin

Motocin tirela 732 ne suka makale a Jamhuriyar Benin tare da gaza shiga Jamhuriyar Nijar saboda karyewar wata gada da ta hada kasashen 2.

Karyewar gada ya janyo tireloli 732 kasa shiga Nijar daga Benin

Motocin tirela 732 ne suka makale a Jamhuriyar Benin tare da gaza shiga Jamhuriyar Nijar saboda karyewar wata gada da ta hada kasashen 2.

Labaran da kafafan yada labaran yankin suka fitar na cewa, a makon da ya gabata ne bayan samun mamakon ruwan sama gadar kogin Nijar ta samu matsala.

Sakamakon wannan matsala ya sanya tireloli 732 kasa shiga Nijar inda suka tsaya a Benin.

Sakatare Janar na Kungiyar Masu Fitar da Kaya zuwa Nijar Chaibou Tchombiano ya sanar da 'yan jaridu cewar motocin tirelar har guda 732 sun tsaya a Benin tare da kasa shiga Nijar saboda karyewar gadar.

Ya ce, wadannan tireloli na dauke da kayan abinci, magunguna, da sauransu wadanda a nan gaba dan ba a samar da su a Nijar ba za a samu matsala.

Tchombiano ya bayar da shawara ga mahukuntan Benin da su yi amfani da hanyoyin Najeriya wajen kai kayan Nijar kafin a samar da sabuwar gada.

Nijar na daya daga cikin kasashen duniya da suke fama da yunwa.


Tag: Gada , Benin , Nijar , Tirela

Labarai masu alaka