Turkiyya na taka muhimmiyar rawa wajen kyautata rayuwar jama'ar Somaliya

Majalisar Dokokin Somaliya a ranar Talatar nan ta yaba wa gwamnatin Turkiyya bisa irin gudunmowar da ta ke bayar wa wajen jin dadin jama'ar kasar da kuma samar musu da kayan more rayuwa.

Turkiyya na taka muhimmiyar rawa wajen kyautata rayuwar jama'ar Somaliya

Majalisar Dokokin Somaliya a ranar Talatar nan ta yaba wa gwamnatin Turkiyya bisa irin gudunmowar da ta ke bayar wa wajen jin dadin jama'ar kasar da kuma samar musu da kayan more rayuwa.

Mamba a majalisar dokokin da ke halartar wani taro a Afirka ta Kudu Lufti Sheriff Muhammad ya shaida wa manema labarai cewa, gwamnatin Turkiyya na taka muhimmiyar rawa a rayuwar 'yan kasar Simaliya.

Ya ce, ziyarar da shugaba Erdoğan ya kai a Somaliya a shekarar 2011 a lokacin da kasar ke cikin yunwa ta kara karfafa dangantakar kasashen 2.

Muhammad ya kara da cewa, a lokacin da Erdoğan ya je Somaliya ya ziyarci mutanen da aka raba da matsugunansu suke zaune a sansanonin 'yan gudun hijira, maimakon ya fara zuwa fadar shugaban kasar. 

'Yan kasar Somaliya sun kalli wannan abu a matsayin so da kauna gare su.

Ya ci gaba da cewa, suna fata Turkiyya za ta kara yawan taimako da tallafin da ta ke ba wa kasar Somaliya.



Labarai masu alaka