Ərdoğan: "Türkiyə Qara dənizdən qaz hasilatına 2023-cü ilin birinci rübündə başlayacaq"

“Türkiyə gələn ildən günlük 10 milyon kubmetr təbii qaz hasil edəcək”
Bunu Prezident Rəcəb Tayyib Ərdoğan qaz hasilatı üçün Qara dənizə ilk boruların suya endirilməsi mərasimində deyib.

Ərdoğan buradakı çıxışında deyib:

"Qara dəniz qazı üçün çox çalışdıq. "Fatih" qazma gəmisinin kəşfindən sonra qazma gəmilərimiz "Yavuz" və "Kanuni" də Qara dənizə daxil oldu. Bu gəmilər "Fatih" tərəfindən qazılan quyuların üst və alt tamamlama əməliyyatlarını həyata keçirdi. Ötən il təməli qoyulan təbii qaz emalı zavodunun tikintisi sürətlə davam etdirilir.

Türkiyə Qara dənizdən qaz hasilatına 2023-cü ilin birinci rübündə başlayacaq. Birinci mərhələdə sutkada 10 milyon kubmetr təbii qaz hasil edilərək əhalinin istifadəsinə veriləcək. Qazılacaq 40 quyu ilə gündəlik qaz hasilatını 40 milyon kubmetrə çatdırmağı hədəfləyirik. Türkiyənin 4-cü qazma gəmisinin adı Əbdülhəmid Han olaraq müəyyən edildi.

2023-cü ilin birinci rübündə birinci mərhələdə hasil olunacaq 10 milyon kubmetr təbii qazı milli ötürmə sistemimizə daxil edəcəyik. Quruda təbii qazın daşıma qabiliyyətini də artıracağıq. Quruda təbii qaz nəqletmə qabiliyyətimizi də eləcə.
Enerji təchizatı mənbələrimizi şaxələndiririk. Ətrafı zəngin karbohidrogen ehtiyatları ilə dolu olan bir ölkə olaraq hər bir daşın altına baxmaq əzmindəyik".