Türkiyәnin İqtisadi Perspektivlәri 47/2018
İstanbulda Rusiya təbii qazının Türkiyəyə nəqlini nəzərdə tutan “Türk axını” boru kəmərinin dəniz hissəsinin tikintisinin yekunlaşması ilə əlaqədar mərasim keçirildi.
İstanbulda Rusiya təbii qazının Türkiyəyə nəqlini nəzərdə tutan “Türk axını” boru kəmərinin dəniz hissəsinin tikintisinin yekunlaşması ilə əlaqədar mərasim keçirildi. Mərasimdə Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin iştirak etdi.
Rus qazını Qara dəniz üzərindən Türkiyəyə buradan da Avropaya nəql edəcək ''Türk axını'' boru kəmərinin dəniz hissəsinin tikintisinin yekunlaşması ilə əlaqədar təşkil olunan mərasimdə iki ölkə arasındakı iqtisadi əlaqələr və energetika sahәsindәki əməkdaşlıq əlaqələrinin gedişatı ilә bağlı mәsәlәlәr qiymәtlәndirildi.
‘‘Türk axını’’ layihәsi Rusiya və Ukrayna arasında yaşanan siyasi və iqtisadi problemlər nəticəsində Rusiyadan Türkiyəyə Avropa üzərindən nәql edilәn qərb xəttinin ləğv edilməsindәn sonra gündəmə gəldi.
‘‘Türk axını’’ layihәsi regional enerji ticarətinin istiqamətini dәyişdirәn son dərəcə əhəmiyyətli layihədir.
İldə 31,5 milyard kubmetr təbii qaz nəql etmə gücünә malik olan layihәnin regional enerji ticarətinə fərqli perspektiv təqdim edəcəyini vurğulamalıyıq.
Türkiyə şərqlə qərbin arasında yerləşdiyinə görə vә bunun gətirdiyi strateji üstünlük, təmin etdiyi yüksək enerji təhlükəsizliyi ilə regionun ən ideal ölkəsidir.
Beləliklə, Türkiyə mövcud mövqeyi ilə region ölkələrinə enerji transferi üçün ən optimal marşrutu təqdim edir.
2014-cü ildә Rusiya ilә Ukrayna arasında yaşanan siyasi vә iqtisadi böhrandan sonra Rusiya Avropanın enerji ehtiyacını Türkiyə üzərindən təmin etməyi məqsədəuygun sayaraq enerji təhlükəsizliyində bu ölkənin əhəmiyyətini bir daha ön plana çıxarmış oldu. Rusiya Ukrayna ilә yaşanan problemlәr nәticәsindә qәrb xәttini ləğv edәrәk ‘‘Türk axını’’ layihәsini hәyata keçirmәyi qәrara aldı. Mәlumata әsasәn, ''Türk axını'' layihәsinin ilk xәttinin fәaliyyәtә başlaması ilә qәrb xәtti lәğv olunacaq.
''Türk axını'' layihәsi Türkiyәnin enerji tәhlükәsizliyi mәsәlәsindә regionun aparıcı qüvvәsi olduğunu bir daha göstәrmişdir.
2019-cu ildə Rusiya qazının Türkiyəyə nəqli planlaşdırılır.
’’Türk Axını’’ layihәsi hәm Türkiyənin, hәm dә Avropanın tәbii qaz tələbatının önәmli hissәsini ödәyәcәk. ‘‘Türk Axını’’ boru kәmәri iki xәttәn ibarәtdir. Xәttlәrin biri Türkiyәnin digәri isә Avropanın tәbii qaz tәlәbatını ödәyәcәk.
‘‘Türk axını’’ boru kәmәri ilә Türkiyәnin tәbii qaz tәlәbatının önәmli hissәsi ödәnәcәk.
Xüsusilə Mərmərə bölgəsinin tәbii qaz tәlәbatı bu boru kәmәri ilә ödәnәcәk.
Qeyd edәk ki, “Türk axını” layihәsi Rusiya-Türkiyə enerji əməkdaşlığını daha da gücləndirәcәk.
Növbəti prosesdə Rusiya ilə olan ticarət həcminin 100 milyard dollara çatdırılması isə ən əhəmiyyətli gözləntilər arasındadır. Həmçinin inşası davam edən və Türkiyənin ilk nüvə stansiyası olma xüsusiyyətinə malik ‘‘Akkuyu’’ atom elektrik stansiyasının Rusiya ilə Türkiyә arasındakı әmәkdaşlığı daha da inkişaf etdirәcәyini vurğulamalıyıq. ‘‘Türk axını’’ boru kәmәri ilә Türkiyә hәm enerji ticarәtindә mәrkәz ölkә olma hәdәflәrinә әmin addımlarla irәlilәyir, hәm dә regional enerjinin aparıcı qüvvәlәrindәn biri olmağa davam edir.
Әlaqәli Xәbәrlәr
Türkiyə neft hasilatında rekorda imza atılıb
Türkiyə tarixində ilk dəfə neft hasilatında rekorda imza atılıb.
Bir saat 60 dəqiqədir, çünki … (mətin və audio)
Nə üçün bir saat 20 və ya 100 deyil, 60 dəqiqədir? Niyə bir sutkada 24 saat var?