Türk Dünyasından Xәbәrlәr
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
Hörmətli oxuçularımız ilk xəbərimiz Qazaxıstanla bağlıdır.
Qazaxıstan prezidenti Nursultan Nazarbayev terror təşkilatı DEAŞ-ın sıralarına qoşulanların vәtәndaşlıqdan çıxarılacağını bildirib.
Bu barәdә Nursultan Nazarbayev MİR 24 televiziya kanalına müsahibәsindә deyib.
DEAŞ-ın sıralarına qoşulanların avtomatik olaraq vәtәndaşlıqdan çıxarılacağını deyәn ölkә başçısı bunun mәcburi tәdbir olduğunu bildirib. O, Qazaxıstandan 500-600, keçmiş Sovetlər İttifaqına üzv ölkәlәrdәn isә 5 minə yaxın adamın DEAŞ-a qoşulduğunu qeyd edib.
İnsanların terror təşkilatlarının sıralarına qoşulmasının qarşısını alınması istiqamətində tədbirlərin görülmәsinin әhәmiyyәtini vurgulayan prezident bildirib ki, DEAŞ-ın sıralarına qoşulduqdan sonra ölkәyә geri qayıdanlara qarşı qabaqlayıcı tәdbirlәr görməyə çalışsalar da bu tәdbirlәr nәticәsiz qalıb. Bu sәbәbdən də yeni tәdbirlәrin görülmәsi ilә әlaqәdar qәrar qәbul edilib.
Qeyd edәk ki, keçәn hәftә Qazaxıstanda bәzi cinayәtlәrin qarşısını almaq üçün vәtәndaşlıqdan çıxarma cәzasını nәzәrdә tutan qanun layihәsi qәbul edilib.
Qazaxıstanla bağlı xəbərimizin davamı olaraq nəzərinizə çatdıraq ki, Abzal Saparbekuli Qazaxıstanın Ankaradakı sәfiri vәzifәsinә tәyin olunub.
Qazaxıstan Respublikasının dövlәt başçısı Nursultan Nazarbayevin A. Saparbekulinin Qazaxıstanın Ankaradakı sәfiri vәzifәsinә tәyin edilmәsi ilә bağlı sәrәncamı Prezident Aparatının rәsmi portalında yayımlanıb.
Ali tәhsilini Türkiyәdә tamamlayan A. Saparbekuli bu günәdәk Türk Şurasının Baş Katibinin müavini vәzifәsini icra edirdi.
Hörmətli oxuçularımız növbәti xәbәrimiz Tatarıstanla bağlıdır.
Tatarıstanın paytaxtı Kazanda "Dəyişən Dünyada Türk Xalqlarının Ənənəvi Mədəniyyəti" adlı 1-ci beynәlxalq elmi konfrans keçirilib.
Konfrans Tatarıstan Respublikasının Mədəniyyət Nazirliyinın dәstəyi vә Ənənəvi Mədəniyyətin İnkişaf Etdirilməsi Dövlət Mərkəzi ilә Qazaxıstanın Dövlət Konservatoriyasının tәşkilatçılığı ilә keçirilib.
Elmi konfransın əsas məqsədi alimlәrin diqqətini Türk xalqlarının dil, folklor, etnoqrafiya, etnik musiqi, ədəbiyyat və tarixi ilə yanaşı, sosial-mədəni və ictimai-siyasi inkişafın aktual problemlərinə yönəltməkdir.
Beynəlxalq elmi tədbirdə Azərbaycan, Altay, Başqırdıstan, Dağıstan, Qazaxıstan, Qırğızıstan, Özbəkistan, Tacikistan və Türkiyədən gələn görkəmli alimlәrlә yanaşı Tatarıstandakı mədəniyyət mərkəzlərinin başçıları, elmi-tәdqiqat mərkəzlərinin ekspertləri, universitet rəhbərləri və müəllimləri iştirak ediblәr.
Fәrqli mövzularda beş sessiyanın keçirildiyi konfrans çərçivəsində həmçinin Türk xalqlarının maddi olmayan dəyərlərinə həsr olunmuş dəyirmi masalar və sərgilər də təşkil olunub.
Hörmətli oxuçularımız ilk xəbərimiz sıradakı xәbәrimiz Qırğızıstanla bağlıdır.
Türk Şurası Türk Universitetlər Birliyinin Orhun Prosesi üçün hazırlıq iclası Bişkekdə keçirilib. Qırğızıstan-Türkiyə Manas Universitetinin Rektoru Professor Doktor Sebahatdın Balcının ev sahibliyində və Türk Şurası Baş Katibinin Müavini Dr. Ömər Kocamanın rәhbәrliyi ilə keçirilәn tәdbirdә Birliyin Qırğızıstan-Türkiyə Manas Universitetinin Sədrliyi müddətində görülәn işlər müzakirə olunub.
İclasda 1-ci Türk Universitetlər Birliyi İdman Oyunları ilә bağlı mәsәlәlәr müzakirə olunub vә oyunların 15-19 may tarixlərində Bişkekdə KTMU-nun ev sahibliyində keçirilməsi qərara alınıb.
Qırğızıstanla bağlı xəbərimizin davamı olaraq qeyd edək ki, bu ölkədə sәnayә istehsalının bu ilin ilk rübündə 35.9 % artığı bildirilir.
Bu barәdә Qırğızıstan Milli Statistika Komitәsi sәdrinin müavini Lüksina Tekeyeva keçirdiyi mәtbuat konfransında mәlumat verib.
L. Tekeyeva ölkədə bu ilin ilk 3 ayında sənaye istehsalının keçən ilin müvafiq dövrü ilә müqayisәdә 35,9 % artaraq 751 milyon 304 min 376 dollar tәşkil etdiyini bildirib.
Sənaye istehsalındakı artıma səbəb olan sektorlara toxunan L. Tekeyeva bu nәticәyә metal filizləri, tәmizlәnmiş neft məhsulları, qida və tekstil sayəsində nail olunduğunu deyib.
Hörmətli oxuçularımız sonuncu xәbәrimiz Türkmәnistanla bağlıdır.
Aprelin 30-da Türkmәnistanda ‘‘At Bayramı’’ qeyd olunacaq.
Məlumat üçün bildirək ki, Türkmənistanda 1992-ci ildən etibarәn hər il aprel ayının son həftəsində At Bayramı qeyd olunur.
At bayramına Türkmәnistanın dövlət başçısı Gurbanguli Berdimuhammədovun dövründә xüsusi әhәmiyyәt verilib. Türkmən lider Ahaltəkə atlarının genetikasının qorunması və atçılığın inkişaf etdirilmәsinә xüsusi diqqәt yetirir.
Bayramın bu il tәntәnәli şәkildә qeyd olunması gözlәnilir.
26-29 aprel tarixləri arasında atçılığın inkişafı ilə bağlı beynəlxalq konfrans da keçiriləcək. Həftə boyu müxtəlif sərgilər, təqdimat mərasimləri təşkil olunacaq. 30 aprel tarixində rəsmi bayram mərasimləri ilә yanaşı çox sayda maraqlı tәdbirlərin keçirilməsi də nəzərdə tutulur.
Ahal vilayətinin Akbuğday rayonunda inşa edilən "Beynəlxalq At Karantin Mərkəzi" də istismara verilәcәk.