21 mart - Beynəlxalq Meşələr Günüdür
“Meşələr günü”nün mövzusu Meşə Əməkdaşlıq Tərəfdaşlığı tərəfindən “Meşələr və dayanıqlı şəhərlər” kimi müəyyən edilib.
BMT-nin Baş Assambleyası 2012-ci ildə martın 21-ni “Beynəlxalq Meşələr (meşə və ağaclar) günü” elan edib. Bu gün bütün meşə növlərinin ekoloji vacibliyi vurğulanır, onların qorunmasına və artırılmasına diqqət yönəldilir. Hər il bu gün ölkələrdə ağacəkmə aksiyaları, regional və beynəlxalq fəaliyyətlər, təşviqat və təbliğat işləri ilə yadda qalır.
Builki “Meşələr günü”nün mövzusu Meşə Əməkdaşlıq Tərəfdaşlığı tərəfindən “Meşələr və dayanıqlı şəhərlər” kimi müəyyən edilib.
Qeyd edək ki, Dünya üzrə meşə örtüyünün sahəsi 4 milyard hektardır. Bunun 809 milyon hektarı Rusiya Federasiyasının, 478 milyon hektarı Braziliyanın, 310 milyon hektarı Kanadanın və 303 milyon hektarı ABŞ-ın payına düşür. Son 200 ildə dünya üzrə meşə ərazilərinin sahəsi 2 dəfədən çox azalıb.
Hazırda dünyada 13 milyon hektara yaxın meşə sahəsi isə məhv olub.
Xatırladaq ki, Türkiyənin dövlət başçısı Rəcəb Tayyib Ərdoğanın rəhbərliyi altında ağacəkmə (meşəçilik) səfərbərliyi başlayır.
Ərdoğanın “Daha yaşıl bir Türkiyə” üçün yazdığı məktub Meşə və Su Təsərrüfatı Nazirliyi tərəfindən 23 milyon yerə göndərildi.
İlk məktub 21 Mart Dünya Meşəçilik günündə-bugün Dövlət Aparatına getdi.
