Şəki "İpək Yolu" VI Beynəlxalq Musiqi Festivalı

Azərbaycan Bəstəkarlar İttifaqında Şəki “İpək Yolu” VI Beynəlxalq Musiqi Festivalının açılışı ilə əlaqədar mətbuat konfransı keçirilib.
Mətbuat konfransında çıxış edən ittifaqın sədri, xalq artisti Firəngiz Əlizadə qéyd edik ki, ki, Mədəniyyət və Turizm Nazirliyinin dəstəyi, Azərbaycan Bəstəkarlar İttifaqının və Şəki Şəhər İcra Hakimiyyətinin birgə təşkilatçılığı ilə keçiriləcək musiqi bayramında bir sıra xarici ölkələrin və Azərbaycanın musiqi kollektivləri, azsaylı xalqların xor, mahnı və rəqs ansamblları iştirak edəcək. Festival çərçivəsində ilk konsert iyulun 1-də keçiriləcək.
F. Əlizadə bildirib ki, festivalda ilk dəfə olaraq Polşadan gəlmiş musiqi qrupu da iştirak edəcək.
Şəkidəki Yay Teatrında festivalın təntənəli açılış mərasimi olacaq və mərasimdə Türkiyənin dǝ “Çukurova Semfoni” simfonik orkestri geniş konsert proqramı ilə çıxış edəcək.
Konsertdə Yaponiyanın “Kamiqata Sumiyosi Kai” ansamblı milli musiqilərini ifa edəcəklər.
Bakı Beynəlxalq Multikulturalizm Mərkəzinin, Türkiyənin və Polşanın Azərbaycandakı səfirliklərinin nümayəndələri təmsil etdiyi qurumların festivala dəstəyindən danışıblar.